Bbaibbele liyiisya kuti, akati kazilenge zyoonse anyika, mweelwe buyo musyoonto wabantu nguunka kujulu. (Ciyubunuzyo 14:1, 3) Balaunka kujulu kuyoolela kabali bami alimwi abapaizi antoomwe a Jesu. (Luka 22:28-30; Ciyubunuzyo 5:9, 10) Bunji bwabantu bayoobusyigwa akupona anyika muparadaiso.—Intembauzyo 37:11, 29.

 Kuli twaambo tumvwika Bbaibbele ncolyaamba kuti kunyina julu lyazivwubwa naa lyababwa. Banyama inga tiibabweza ntaamu ziyandika kutegwa beelele “mubwiite bwakujulu.” (Bahebrayo 3:1) Ntaamu eezyi zilabikkilizya akuba aluzyibo, kuba alusyomo alimwi akumvwida milawo ya Leza. (Matayo 19:17; Johane 3:16; 17:3) Balikke bantu mbobakalengwa abulangizi bwakupona lyoonse kukabe kutamani.—Matalikilo 2:16, 17; 3:22, 23.

 Kutegwa bantu baunke kujulu beelede kusaanguna kubusyigwa. (1 Bakorinto 15:42) Bbaibbele lilaamba bubuke bwakacitika kale. (1 Bami 17:17-24; 2 Bami 4:32-37; 13:20, 21; Luka 7:11-15; 8:41, 42, 49-56; Johane 11:38-44; Milimo 9:36-42; 20:7-12) Alimwi boonse ibakabusyigwa mbantu, kutali banyama.

•  Ino ncinzi cicitika ciindi banyama nobafwa?

•  Sena banyama balabisya?

•  Sena banyama beelede kweendelezyegwa calunya?

  Bbaibbele liyiisya kuti bantu alimwi abanyama nzilenge “zipona,” aboobo buumi bwamuntu alimwi abwamunyama ncintu buyo comwe. Boonse bakalengwa kuzwa ‘kubulongo bwaanyika’ alimwi bakafwulidilwa “muuya wabuumi.”—Matalikilo 1:24; 2:7, 19.

 Bbaibbele alimwi lyaamba kuti bantu abanyama balakonzya kufwa. (Kulonga 19:13; Ezekieli 18:20) Banyama alimwi abantu nobafwa balapiluka kubulongo. (Mukambausi 3:19, 20) Munzila imwi, balacileka kupona. a

  Peepe. Kubisya caamba kuyeeya, kumvwa naa kucita cintu cimwi citeendelani azyeelelo zya Leza. Kutegwa cilenge cibisye ceelede kusala, pele banyama tabajisi nguzu eezyo. Kanji-kanji bacita zintu kakunyina kuyeeya mubuumi bwabo boonse. (2 Petro 2:12) Casika ciindi balafwa nokuba kuti tababisyi.

  Peepe. Leza wakapa bantu nguzu zyakweendelezya banyama kutali zyakubapenzya. (Matalikilo 1:28; Intembauzyo 8:6-8) Leza ulamubikkila maano munyama umwi aumwi, kubikkilizya atuyuni tusyoonto. (Jona 4:11; Matayo 10:29) Wakalailila bakombi bakwe kuti kababeendelezya kabotu banyama.—Kulonga 23:12; Deuteronomo 25:4; Tusimpi 12:10.