MARCH 8, 2022
UKRAINE
MAKANI MAPYA | Bakwesu Abacizyi Bazumanana Kutondezya Luyando Muciindi Eeci Cikatazya ku Ukraine
Bakwesu abacizyi mudolopo lya Mariupol, Kharkiv, Hostomel, alimwi amumadolop aamwi bapenga citaambiki akaambo kamabbomba aazumanana kubboloka ku Ukraine. Bamwi tiibacikonzya kuzwa mumaanda aabo kwamazuba aatandila kumvwiki. Kunze lyaboobo, zyakulya ziyaabumana, kumane kuunka kwamalaiti akunyongana kwanetiweki yaintaneti ayaamafooni kwapa kuti kacibayumina kubandika abakwesu bamwi.
Cuusisya ncakuti, Mukwesu Dmytro Rozdorskyi, uujisi myaka 28, alimwi mwaalu mumbungano ya Myrnohrad, wakafwa akaambo kakulicisa naakawida mumugodi. Tulabapailila aabo bakasweekelwa bayandwa babo alimwi abakwesu abacizyi ibali mumasena mubboloka mabbomba.—2 Batesalonika 3:1.
Ŋanda ya Bwami mudolopo ya Ovruch, Ukraine, yakanyonyooka citaambiki nokwakabboloka mabbomba
Kuzikusika mu March 7, 2022, myeelwe iitobela yakalipootwa kuzwa ku Ukraine:
Mbobajatikizyigwa Bakwesu Alimwi Abacizyi
Basikumwaya bobilo bakafwa
Basikumwaya bali 8 bakalicisa
Basikumwaya bali 20,617 bakaasiyamaanda aabo akuunka mumasena muliko luumuno mumonya mucisi
Maanda aali 25 akanyonyookela limwi
Maanda aali 29 akanyonyooka kapati
Maanda aali 173 akanyonyooka asyoonto
Maanda aa Bwami aali 5 akanyonyooka
Lugwasyo Lwapegwa
Ma Disaster Relief Committee (DRCs) aali 27 alimukubeleka ku Ukraine
Basikumwaya bali 6,548 bakagwasyigwa cacigaminina abamu makkomiti aaya kujana kwakukkala kukwabilidwe
Basikumwaya bali 7,008 bakatijila kuzisi zimwi alimwi bali mukugwasyigwa abakombinyina
Ŋanda Yakucitila Miswaangano Mipati yomwe alimwi a Maanda aa Bwami aatandila ku 30 ku western Ukraine, mbuli yaku Chernevtsi, ku Ivano-Frankivsk, ku Lviv, alimwi ayakuzyooko zya Transcarpathia, akabambwa kutegwa bazangalisi kabasikila nkuko