Mu April 3, 2021 Bbaibbele lya Busanduluzi Bwanyika Mpya bwa Magwalo aa Banakristo aa Chigiliki lyaaintaneti lyakamwaigwa muci Mambwe-Lungu. Mupulogilamu yakalekkoodelwa limwi akweebelelwa abasikumwaya bamu Zambia abaku Tanzania, mukwesu Albert Musonda wamu Kkomiti Yamutabi wamu Zambia wakamwaya Bbaibbele eeli. Mwaambo waci Mambwe-Lungu ulabelesyegwa abasikumwaya bali 2,531 bamu Zambia abali 325 baku Tanzania, kwalo alimwi nkowiitwa kuti Fipa.

Basanduluzi botatwe mbabakabeleka amulimo ooyu kwamyezi iili 21. Musanduluzi umwi wakaamba kuti, bamwi bakabona kuti Bbaibbele lyakaindi lyali kubelesyegwa lyoonse lyamuci Mambwe-Lungu lyakali kukatazya kubala akaambo kakuti lyakajisi mabala aakatazya. Kujatikizya Bbaibbele mpya ilyakamwaigwa, musanduluzi umwi wakaamba kuti: “Bbaibbele eeli libelesya mwaambo ngobabelesya bantu mazuba aano.

Tacidoonekwi kuti cipego eeci icizwa kuli Jehova ciyoobagwasya banji ibabelesya mwaambo waci Mambwe-Lungu kujana lukkomano nobabala Ijwi lyakasololelwa a Leza.—Intembauzyo 1:2.