Ja jastal oja wa makunuki

Jastal oja wa Makunuki jani talnubʼal yuja sitio it. Yajel makunuk ja sitio it, ja weʼn wana yaljel oja kʼuluk ja jastalni wa xyala oja wa makunuki. Moka wa makunuk ja sitio it ta mi oja kʼuluk yibʼanal ja jastalni wa xyala.

¿Jasa ti chʼikan ja yajel makunuk lek ja sitio it?

● Skʼeljel, yajel koʼuk ma skʼuljel imprimir juʼunik jach bʼa aparatoʼik sok chikan jas tekstoʼik, chomajkil jastal dibujoʼik, potoʼik, bideoʼik sok jastik jun bʼa smaklajel bʼa yeʼn sbʼaj ja Watch Tower. Pe kechantani oja kʼuluk ja it bʼa weʼn ita oja wa makunuk sok mi bʼa yajel makunuk bʼa stajel takʼin.
● Sjekjel link ma kopyaʼik jach bʼa aparato bʼa juʼunik wa xbʼobʼ axuk koʼuk, bʼa bideoʼik ma bʼa grabasyonik jach bʼa smaklajel.

Ja jastik nochani mi xbʼobʼa kʼuluk:

● Yajel kʼeʼuk ja jas yiʼoj ja sitio it bʼa tuk sitioʼik bʼa Internet (mini bʼa kwentaʼik bʼa Internet ma bʼa paginaʼik bʼa wa xbʼobʼa kʼep ja archiboʼiki).
● Spuktesel yajkʼachil ekʼele ja jas yiʼoj ja sitio it bʼa lajansok yeʼn sbʼaj ja tuk aplicación ma chikan jas programa.
● Yajel okʼuk, skʼuljel kopyar ma yajel makunuk ja jastik yiʼoj ja sitio it bʼa skʼuljel ganar ma bʼa oj ajuk ekʼukawi takʼin (anima mi wajeluka kʼujol bʼa stajel takʼin).
● Skʼuljel yajkʼachil programaʼik maʼ programaʼik bʼa mas pasil yajel makunuk bʼa Internet maʼ slejel modoʼik bʼa jastal snoljel sok skʼulajel kopyar, yajel koʼuk ma stokʼjel datoʼik, skʼulajel juna página bʼa Internet, yajel makunuk ja dibujoʼik ma jastik tsʼijbʼunubʼal bʼa jachuk spuktesel. (Mini maloʼuk ja spuktesel ja aplicación jach kʼebʼubʼal sok mi bʼa negosyoʼuk sok kʼulubʼal bʼa yajel koʼuk sok yajel makunuk aparatoʼik—sjejelik, pormato EPUB, PDF, MP3, AAC, MOBI sok MP4—ja bʼa xetʼanik bʼa chikan ma oj bʼobʼ ya koʼuk ja bʼa sitio it).
● Yajel makunuk jach mi stojoliluk ja sitio it ma ja jastik yiʼoji; jujuntik sjejel, yajel kʼot tekʼan ma ochel ja bʼa página it ma ja bʼa jastik yiʼoji yajel makunuk tuk modoʼik yuja jastalni wa xyala jamanlek bʼa yajel Makunuki.
Yajel makunuk bʼa oj bʼobʼ sjome ma smakjel bʼa mi oj ajyuk ochel ja bʼa sitio it. Chomajkil yajel makunuk ta mi jachuk wa xyala ja leyi, bʼa loʼlanel ma bʼa yixtalajel ja tuki, ma bʼa jastik junuk ti chʼikan bʼa aʼtel ma bʼa jas waxa kʼana oja kʼuluk ta mi jachuk wa xyala ja leyi, bʼa loʼlanel ma bʼa yixtalajel ja tuki.
Yajel makunuk ja jastik yiʼoj ja sitio ma ja yal sdibujoʼik, juʼunik bʼa yajel makunuk sok aparatoʼik, markaʼik bʼa jastik junuk, kʼinik, jastik tsʼijbʼunubʼal ma bideoʼik bʼa yajel makunuk bʼa spuktesel.

Rasonik sbʼaja anik

Ja xchol ja bʼa xetʼan jastik sbʼaja loktorik ja bʼa jw.org kechantani wa xyaʼa rasonik. Pe mini skʼana oj yaʼ rasonik bʼa anik, mini stukbʼes ja anik oj ajukawiʼi, cha mini skʼelawe jastal ay ja jkwerpotik ma oj skʼapawi jun an june maʼ jel chapan sbʼaja jaw. Ja bʼa xetʼan it mini xyala jas tikʼe anik oja wiʼe cha mini jas loktorik bʼa oj wajansok, jas oja kʼuluk, pensarik, ma rasonik bʼa wa staʼa tiʼal ja il.

Ta aya dudaʼik bʼa jun an wana yijel, nocho ja srasonik jun loktor ma june maʼ chapan ay bʼa wa snaʼa yajel anik.

Ja bʼa sitio it kʼujolaxel bʼa xchʼikjel ja bʼa xetʼan it rasonik bʼa meran sok bʼa ajkʼach. Pe ja weʼn ojni bʼobʼ ochan ja bʼa xetʼan it bʼa skʼeljel ja jas eleli, pe mini oj yalawabʼ jas oja kʼuluk. Ja sitio it mi yeʼn kajanuk sbʼaja garantiaʼik bʼa ti chʼikan ja bʼa anik, pe mini timubʼaluk ja bʼa garantiaʼik bʼa xchonjel ma ja bʼa jastal yajel makunuk ja it. Ja rasonik yiʼoj ja xetʼan it ja bʼa sitio mini jel xbʼobʼ ya jipjkʼujoltik, ma bʼa stojol, mito ajkʼachuk, mi jel xmakuni, sok mi jel tsʼikanuk. Cha mini yeʼn kanajuk sbʼaja jas mi lekuk ma ja bʼa jas mi xyala lek ja bʼa artikuloʼik ja bʼa xetʼan it. Weʼni kajana bʼaj ta ay jas ekʼi yuj snochjel chikan jas rason oja taʼ ja bʼa xetʼan it. Chikan ja x-ekʼi mini yeʼn kajanuk sbʼaja sitio it bʼa chikan jas kʼumal x-ajyi ma ay jas oj syajbʼesa (bʼa ti chʼikan jastal ja junta chʼaykʼujol ay jas wa x-ekʼi, ma wala yajbʼi ma wa xchʼay ja sakʼanil bʼa jun desgrasya sok ja yajni wa xchʼay jawa datoʼik bʼa jun negosyo) yuja jastal wa x-axi makunuk ma yuja mi xbʼobʼ axuk makunuk ja rasonik sbʼaja aniki, ama ja kʼumalik ma ja jas ekʼeli ayni yiʼoj jun seguroʼil, jun akuerdo, jun jasunuk bʼa ay maʼ wa xyutaja ma chikan jun jasunuk bʼa ti chʼikan ja leyi, sok ama chikan jas rason yaʼunej ja sitio it ma miyuk sbʼaja quejaʼik it ma ja jastik ekʼeli.

Ta mi kʼulaxi sbʼaja jastal oja wa Makunuki

Bʼa mi yixtalajel ja tuk derechoʼik wa xyaʼa ja Watchtower sbʼaja jastal oja wa makunuki, ta ja weʼn akʼoko ma mi akisa sbʼaja jastal yajel makunuki, ja Watchtower ayiʼoj derecho bʼa oj smakawi bʼa mi oj ochan jun tyempo ja bʼa sitio ma bʼa oj sjapawi juntiro, ma smakjel bʼa mixa oj ochan ja bʼa sitio it ja bʼa computadoraʼik ayiʼoj jawa direksyon IP, yaljel yabʼ ja maʼ wa xya ekawi Internet a-smakawi bʼa mi oj ochan ja bʼa sitio it ma wajel sok ja matik ay xcholi.

Ja it wa xbʼobʼ tukbʼuk

Ja Watchtower oj bʼobʼ tukbʼes chikan jas ora sbʼaja jastal oja wa Makunuk ja sitio it. Yajni xkʼe kʼulxuk revisar ja it jani kʼakʼu oj kʼeʼuk ja bʼa sitio. Kʼuman tikʼan tikʼan bʼa oj wil jasa oj tukbʼuk.

Ja jastal wa xyala ja ley soka matik ay xcholi

Sbʼaja jastal oja wa Makuniki jani yiʼoj sok jani oj kʼulaxuk kechanta ja jastal wa xyala ja ley bʼa Nueva York (Estados Unidos). Chikan jas ley oj yal-e bʼa ti chʼikan sbʼaja jastal oja Makuniki tʼilani jaʼ oj wajuke soka jwesik bʼa Nueva York (Estados Unidos).

Spilulabʼil

Ta aykʼa jwesik xyalawe ay xetʼan sbʼaja jastal oja wa Makunuki mi lekuk ay jastalni wa xyala ja leyi, ma mi xmakuni, mi wa stojolan ja tuki mi lekuk ay. Ta ja Watchtower mi wanuk yajel makunuk ja jastal wa xyala ja il sbʼaja matik mi lekuk wane yajel makunuk ja sitio it mi wa stojolan ja Watchtower mey yiʼoj derecho bʼaj bʼobʼ skʼuluk.

Akwerdo tsʼikan lek

Ja it, sbʼaja jastal oja wa Makunuki, ti wala och sok akwerdo ja weʼn soka Watchtower Bible and Tract Society of New York, Inc. sbʼaja jastal yajel makunuk ja sitio it. Chikan jas akwerdo ochela sok bʼajtan mixa xmakuni, jaxa wa slokʼolan ja it.