Ja kʼini jun tsamal majtanal bʼa Jyoba. Wa xbʼobʼ ya ajyuk jun jpensartik bʼa lek, bʼa wa xya gustoʼaxukotik sok wa stsatsankʼujolanotik. Jani it ja jas wa x-ekʼ ja yajni wa xmaklaytik ja jkʼintiki, jastalni ja bʼa JW Broadcasting^®. Mi kechanuk, ja kʼinik it wani xya mojxukotik soka Jyoba.

 Man 2014, axel eluk mas ja 70 kʼinik, sok june ja bʼa jaw wa xbʼobʼ maklaxuk bʼa mas ja 500 kʼumalik. Bʼobʼta ja weʼn waxa jobʼo abʼaj: «¿Jastal wa xkʼulaxi ja kʼinik it? ¿Sok ma wa skʼulan?».

 Soka stojwanel ja Tsome Olomalik bʼa Sjejel ja bʼa Tsome Tojwanum, ja tsome bʼa kʼin b’a wa x-aʼtijiye ja bʼa Audio sok bideo yeʼnani xchole yajel eluk ja kʼinik, jastal ja bʼa JW Broadcasting sok tuk. Ja kʼole bʼa kʼini, aye 13 hermano sok hermana bʼa yeʼn wa xchapawe, bʼa stsʼijbʼajel ja letraʼik, bʼa stojbʼesel ja kʼiniki sok tuk aʼtelik tʼilan. Chomajkil ja Tsome Olomalik bʼa Sjejel skʼuluneje aprobar hermanoʼik bʼa spetsanil ja luʼumi bʼa oj koltanuke man bʼa snaje bʼa skʼulajel ja aʼtel it. Ja b’a yeʼnle ay tsʼijbʼanumik letraʼik, kʼinanumik sok tsʼebʼanumik. Ja hermanoʼik it chʼin wa xyaʼa sbʼaje, bʼa yajel makunuk ja jasa wa snaʼawe skʼulajeli sok mi wa sleʼawe atoyjuke.

 ¿Jastal wa xkʼulaxi ja kʼiniki? Bʼajtan, ja Tsome Olomalik bʼa Sjejel wa stsaʼawe jas teksto bʼa Biblia oj axuk eluk ja kʼiniki sok jastal oj nikwanuk. Tsaʼan, ja tsome bʼa kʼiniki wa stsaʼa ma’ oj stojbʼes ja skʼijnali sok ma oj stsʼijbʼan ja sletraʼili. Wa xkʼulaxi jun bʼajtan grabasyon, sok ja Tsome Olomalik bʼa Sjejel wa skʼelawe sok wa xyaʼa tojelalik. Tsaʼan, ja tsome bʼa kʼinik wa stukbʼese ja bʼa tʼilan oj tukbʼexuki sok wa skʼulan ja meroxa grabasyoni. Ja kʼiniki wa xkʼulaxi grabar bʼa tuktukil lugar, jun sjejel, bʼa naʼits Betel ma bʼa snaje ja hermanoʼik.

 Bʼa stojbʼesel sok skʼulajel grabar ja jkʼintiki ja hermanoʼiki wa xyawe makunuk lugarik bʼa aʼtel bʼa stojbʼesel kʼinik, programaʼik bʼa stsʼijbʼajel ja kʼinik, biblioteca bʼa ayxa nolan ja kʼiniki [bibliotecas de audio]. Chomajkil wa xmakuni yamkʼabʼalik bʼa kʼinanel, mezcladoraʼik bʼa sonido, amplificadorik, bocinaʼik sok microponoʼik. Kada micropono ayni stsʼakol junuk cien ma mas ja mil dólar. Ja bʼa jabʼil 2020 chʼakxi 116,000 dólar ja bʼa yamkʼabʼal bʼa grabasyon.

 ¿Jasa wa xkʼulaxi b’a mi jel oj chʼakxuk takʼin? Bʼa mi oj axuk makunuk jitsan hermanoʼik ja bʼa Betel jaʼ bʼa tsome kʼinik, wa xkʼanxiyi ja hermanoʼik akoltanuke man snaje. Chomajkil, mixani yajnaluk ti oj ajyuk ja orquesta bʼa oj skʼuluke grabar, ja hermanoʼiki wanxa xyawe makunuk programaʼik bʼa computadora bʼa skʼulajel ja kʼiniki.

 ¡Ja hermanoʼiki jelni sgustoʼe smaklajel ja kʼiniki! Jun sjejel, ja Tara, bʼa Alemania, wa xyala: «Yajni ay kiʼoj chamkʼujol, ja kʼiniki wa xya likikuk ja jsakʼanil. Yajni wa xmaklay bʼa jkʼumal, wa xkabʼ lajansok wa stelawon ja Jyoba». Ja Dimitri, bʼa ti sbʼaj bʼa Kazajistán, wa xcholo: «Jel jgusto smaklajel ja kʼini sok mini xcham jkʼujol ja sletraʼili, yujni wa xnaʼa ja jastik wa xyala akuerdoni ay soka Biblia. Mi kechanuk, ja kʼinik it wa skoltayon oj waj sat ja jastik junuk bʼa Dyos».

 Ja Delia, bʼa Sudáfrica, wa xcholo jastal wa x-aji ajyuk yuja kʼiniki: «Wa xya ajyuk tsats ja jkʼuʼajeli. Yajni triste ayon ma ay kiʼoj wokol, tolabida ay jun kʼin bʼa jel lek xkan jbʼaj. Ay ekʼele malanta smaklajel ja skʼijnali masxani lek ayon wa xkabʼi».

 B’a jitsan, jujuntik ja b’a kʼinik it jani ja jel skʼulane gusto. Ja Lerato, bʼa cha ti sbʼaj bʼa Sudáfrica, wa xcholo: «Ja kʼinik Jelxa mojan sok Ja tsamal sakʼanil wa sjekawon ja bʼa tyempo yajni sakʼwijan ja jnani. Kada ekʼele wa xmaklay, wa xkila ajnelxta jakum staʼon bʼa oj stel-on».

 Ay jun kʼin bʼa jel koltaji jun soltera bʼa Sri Lanka. Wa xcholo: «Ja jmaestra bʼa Ciencia yalakabʼ jastik jel tuk bʼa stiʼ sat ja jmojiki yuja testigoʼon bʼa Jyoba. Jelni xiwyon sok mi jnaʼa jas oj kale. Yajni kʼotyon ja bʼa jnaji, yalakabʼ ja jnan bʼa oj maklay ja kʼin Fuerte tú serás. Ja kʼin it skoltayon bʼa yabʼjel stojol bʼa tʼilan oj paklay sok xchapjel jbʼaj bʼa yajelyi sjakʼjel. Ja bʼa pilan kʼakʼu, jkʼuman ja jmaestra. Ja yeʼn smaklayon sok yalakabʼ ja wego wanxa xyabʼ stojol ja jasa wa xkʼuʼani. Wa xkayi tsʼakatal ja xchonabʼ ja Jyoba yuja wa skʼulan kʼinik bʼa jel xnikwani».

 ¿Bʼa wa x-el ja takʼin bʼa skʼulajel ja kʼinik it? Ti bʼa donasyon wa x-axi sbʼaja kaʼteltik wa xkʼulaxi bʼa yibʼanal ja luʼumi jitsan ja bʼa it ti wa xyaʼawe bʼa donate.pr418.com. Tsʼakatalex yuja jel jaman akʼujolex.