¡AJYANIK K’ELAN JAKAN!
Ja 2022: jun jabʼil bʼa chamkʼujolik | ¿Jasa wa xyala ja Biblia?
Ja bʼa jabʼil 2022, jelni ajyi notisyaʼik bʼa guerraʼik, wokolik sok takʼin sok desgrasyaʼik ja bʼa luʼumi. Kechani ja Biblia wa xcholo jasa meran wa stojolan ja jastik wan ekʼeli.
Ja jas meran wa stojolan ja jastik ekʼ ja bʼa 2022
Ja jastik ekʼ ja bʼa jabʼil ekʼi wani xchiktes lek ke tixa ayotik ja bʼa tyempo wa xya sbʼiʼiluk ja Biblia ja «tsaʼanikxta kʼakʼu» (2 Timoteo 3:1). Ja tyempo it kʼe bʼa jabʼil 1914. Ila ja jastik ekʼ ajkʼachto bʼa jastal wa syaka sbʼaj soka jas yalunejkan ja Biblia ja bʼa jtyempotiki:
«Guerraʼik» (Mateo 24:6).
«Ja bʼa 2022 jani ja jabʼil cha kʼe ja tsatsal wokol sbʼaja guerra ja bʼa Europa». a
Kʼela ja artikulo «Ja Rusia wa x-och ja b’a Ucrania».
«Waʼin» (Mateo 24:7).
«Ja bʼa 2022 jun jabʼil bʼa jel ajyi waʼin». b
Kʼela ja artikulo «Ja guerra bʼa Ucrania wa xya ipaxuk ja waʼin ja bʼa luʼumkʼinali».
«Chamelik wa spuku sbʼaj» (Lucas 21:11).
«Kumxi ja virus sbʼiʼil polio, jaxa viruela bʼa mono jelni ipaxi juntiro, sok jaxa COVID-19 jeltoni wan ixtalanel; ja it wa xchiktes ja janekʼto wokol wa xyaʼa ja chamelik it sok ja jastal jel pasil wa staʼawotik». c
Kʼela ja artikulo «Chamele 6 miyon yuja COVID».
«Jastik jel xiwela sbʼaj» (Lucas 21:11).
«Wa xjelxi ja skʼixnal ja kʼaʼuji, mi xyaʼa jaʼ, tsikʼinalik sok bʼutʼ jaʼik. Ja bʼa verano bʼa 2022 mini oj chʼay jkʼujoltik yuja jel ipaxi ja clima bʼa jel yiʼajan niwak desgrasyaʼik, bʼa smila jitsan mil kristyano sok miyonik chʼayujile ja jastik sbʼaje». d
Kʼela ja artikulo «Jelxani jelxel wa x-ekʼ ja skʼixnal ja kʼaʼuj bʼa yibʼanal ja luʼumkʼinali».
«Mi laman ayuke ja kristyano» (Lucas 21:9).
«Yuja wan ipaxel ja stajkelal ja kristyano yuja wokolik soka takʼin, pe mastoni yuja wa xkʼe ja stsʼakol ja jastiki, ikʼwanel bʼa ajyel niwak marchaʼik bʼa skontraʼajel ja gobyernoʼik ja bʼa jabʼil 2022». e
Kʼela ja artikulo «Wanxta kʼeʼel ja stsʼakol ja jastiki».
¿Jas maʼ oj ekʼuk ja bʼa jabʼil jakumi?
Mini maʼ snaʼa ja jasa mero oj ekʼuk ja bʼa jabʼil 2023. Ja jasa wa xnaʼatiki es ke jelxani mojan ja sGobyerno ja Dyos, ma ja gobyerno bʼa satkʼinal, oj ya tojbʼuk ja jastik wan ekʼel ja bʼa Luʼumi (Daniel 2:44). Ja gobyerno jaw oj xchʼaysnajel ja jwokoltik sok ojni yil ke akʼulaxuk ja jas wa skʼana ja Dyos ja bʼa Luʼumi (Mateo 6:9, 10).
Wa xlokowatikon bʼa oja noch ja rason yaʼa ja Jesús bʼa ajyel «tolabida kʼelan jakan» sok yiljel ja jastik wan ekʼel ja bʼa luʼumi wani kʼotel ja jas yalunejkan ja Biblia (Marcos 13:37). Awa pabor leʼawotikon bʼa snajel mas jastal oj skoltaya ja Biblia sok jastal oja wayi jawa pamilya jun meran smajlajel ja bʼa tyempo jakumi.
a AP News, «2022 Was Year the Horror of War Returned to Europe», bʼa Jill Lawless, 8 bʼa diciembre bʼa 2022.
b World Food Programme, «A Global Food Crises».
c JAMA Health Forum, «Living in an Age of Pandemics—From COVID-19 to Monkeypox, Polio, and Disease X» bʼa Lawrence O. Gostin, JD, 22 bʼa septiembre bʼa 2022.
d Earth.Org, «What’s Behind the Record-Breaking Extreme Weather Events of Summer 2022?» bʼa Martina Igini, 24 bʼa octubre bʼa 2022.
e Carnegie Endowment for International Peace, «Economic Anger Dominated Global Protests in 2022», bʼa Thomas Carothers sok Benjamin Feldman, 8 bʼa diciembre bʼa 2022.