¡AJYANIK K’ELAN JAKAN!
Ja 2023: Jun jabʼil bʼa jel ajyi chamkʼujol | ¿Jasa wa xyala ja Biblia?
Ja jas ekʼ ja bʼa luʼum ja bʼa 2023 wa sjeʼa jaman lek ke tixa aytik ja bʼa tyempo wa xya sbʼiʼiluk ja Biblia ja «tsaʼanikxta kʼakʼu» (2 Timoteo 3:1). Ja jas wan ekʼeli wani slaja sbʼaj soka jas yalunejkan ja Biblia sbʼaja jtyempotiki. La kiltik jujuntik sjejel.
Ja Biblia soka jas wan ekʼel ja bʼa luʼumi
«Oja wabʼyex yabʼalil guerraʼik bʼa tuktukil lugar» (Mateo 24:6).
«Wanxtani ipaxel ja tiroʼanelik bʼa jitsan parte ja bʼa luʼumi». a
Kʼela ja artikuloʼik «¿Maʼ oj stalnay ja matik mi xchʼika sbʼaje?» sok «Ja janekʼ wan chʼakxel yuja soldadoʼik sok ja armaʼik bʼa sutanal ja luʼumi ekʼel mas ja 2 biyon dólarik».
«Oj ajyuk terremotoʼik bʼa tuktukil lugar» (Marcos 13:8).
«Masan kʼe ja 2023 man wego ajyel 13 terremotoʼik bʼa 7 ja yipi ma mas. Jelni tʼusan ekʼeleʼik wa x-ekʼ jastal it». b
Kʼela ja artikulo «Terremotoʼik bʼa jel yixtalan ja Turquía sok ja Siria».
«Jastik jel xiwela sbʼaj» (Lucas 21:11).
«Ja jelxelxa skʼixnal ja kʼaʼuji chʼakta; pes ipaxitani mas ja skʼixnali» (António Guterres, secretario general de las Naciones Unidas). c
Kʼela ja artikulo «Ja jelxelxa skʼixnal ja kʼaʼuj ja bʼa 2023».
«Oj ajyuk waʼin» (Mateo 24:7).
«Ja 2023: Jun pilan jabʼil bʼa jel xcham skʼujole ja matik wa skʼulane luchar smakʼlajel ja spamilyaʼe». d
Kʼela ja artikulo «La guerra y el cambio climático empeoran la crisis alimentaria mundial».
«Oj jak tyempoʼik jel wokol sok mi pasiluk oj kuchkujtik» (2 Timoteo 3:1).
«June bʼa kada waxake kristyano ja bʼa luʼumi ayiʼoje wokol ja bʼa spensare». e
Kʼela ja artikulo «Ja jastal wanxta ipaxel ja wokol bʼa spensare ja solteroʼik».
¿Jasa oj ekʼuk ja bʼa 2024?
Mini maʼ snaʼa ja jasa oj ekʼuk ja bʼa jabʼil jakumi. Pe ja jas wan ekʼel ja bʼa luʼumi wa xchiktes ke ja sGobyerno ja Dyos bʼa satkʼinal ojxta slokʼoluk ja gobyernoʼik ja bʼa luʼumi sok oj xchʼaysnajel ja jastik wa xya kitik wokol sok ja chamkʼujoliki (Daniel 2:44; Apocalipsis 21:4).
Malan x-ekʼ ja it, ta chamkʼujol aytik, ojni bʼobʼ jkʼantikyi jkoltajeltik ja Dyosi. Ja Biblia wa xyala:
«Yajni wala xiwyon, wa xjipa jkʼujol b’a weʼna» (Salmo 56:3).
¿Jastal wa xbʼobʼ jetik wa xjipa jkʼujoltik bʼa Dyos? Wa xlokowatikon bʼa oja nebʼ ja skʼapjelik wa xyaʼa ja Biblia bʼa mixa oj ajyuk wokol. Kʼulan probar jun estudio bʼa Biblia bʼa oja wil jastal ja skʼapjelik bʼa Biblia oj skoltaya ja weʼn soka wa pamilya.
a Foreign Affairs, «A World at War: What Is Behind the Global Explosion of Violent Conflict?» (Un mundo en guerra: ¿Qué hay detrás de la explosión mundial de conflictos violentos?), Emma Beals sok Peter Salisbury; 30 bʼa octubre bʼa 2023.
b Noticias de terremotos, «2023: La cantidad de grandes terremotos pronto batirá récords»; mayo bʼa 2023.
c Naciones Unidas, «Secretary-General’s Opening Remarks at Press Conference on Climate» (comentarios del secretario general sobre el clima en una rueda de prensa); 27 bʼa julio bʼa 2023.
d Programa Mundial de Alimentos, «Una crisis alimentaria mundial».
e Organización Mundial de la Salud, «Día Mundial de la Salud Mental»; 10 bʼa octubre bʼa 2023.
Bʼobʼta cha ojni akʼul gusto
ESSENTIAL BIBLE TEACHINGS
¿Jasunkiluk ja sGobyerno ja Dyosi?
Ja bʼa aʼtelik skʼulan ja Jesús, jani mas waj skʼujol sjejel sbʼaja sGobyerno ja Dyosi yuj chikan jasa.
SJOBʼJELIK SBʼAJA BIBLIA
¿Oj maʼ bʼobʼ jtaʼ jkoltajel ja bʼa Biblia?
Jitsan kristyano wan ekʼel sbʼaje tsatsal wokolik sok pensarik bʼa mi xtulwani, sok staʼuneje skoltajele ja bʼa Biblia.
¡KʼEʼAN!
¿Jas oja kʼuluk bʼa mi oj jelxuk ja estres?
Paklay jujuntik rasonik jel xkoltani bʼa yajel lamxuk ja estres ma bʼa yajel tsʼujuk.
SBʼAJA KEʼNTIKONI
Kʼana maʼ oj yulataya
Naʼa ja sjakʼjel bʼa jun sjobʼjel bʼa Biblia ma naʼa sbʼaj mas ja testigoʼik bʼa Jyoba.
