¡AJYANIK K’ELAN JAKAN!
Ja científicoʼik wa skʼulane adelantar ja Reloj ja bʼa Kʼakʼu bʼa yajel Kuenta | ¿Jasa wa xyala ja Biblia?
Ja 24 bʼa enero bʼa 2023, ja científicoʼik skʼulane adelantar tʼusan mas mojan ja bʼa nalan akwal ja Reloj ja bʼa Kʼakʼu bʼa yajel Kuenta a, wa xkʼan kaltik, ja xchʼakulabʼil ja luʼumkʼinali.
«Ja martes it, ja Reloj ja bʼa Kʼakʼu bʼa yajel Kuenta, bʼa jani kʼotel ja tsatsal wokolik wa stʼaspune ja kristyanoʼik, mojxini mas ja bʼa nalan akwali yuj smul ja guerra bʼa Ucrania, ja xiwel bʼa jun guerra sok bombaʼik sok yuja wan tukbʼel ja clima» (Servicio internacional de noticias de la agencia AFP).
«Ja científicoʼik yalawe ja martes it ke skʼulane adelantar 90 segundoʼik ja bʼa nalan akwal ja Reloj ja bʼa Kʼakʼu bʼa yajel Kuenta, jani ja mas mojan ajyel ja kristyano ja bʼa xchʼakelal ja luʼumkʼinali» (ABC News).
«Jun tsome científicoʼik bʼa tuktukil país yalawe ke mini bʼa ajyel peligro ja sakʼanil ja kristyanoʼik jastalni ja wego» (The Guardian).
¿Mojanxa maʼ ja xchʼakelal ja kristyanoʼik sok ja planeta? ¿Oj maʼ xiwkotik yuj ja bʼa jas jakumi? ¿Jasa wa xyala ja Biblia?
Ja smajlajel ja bʼa tyempo jakumi
Ja Biblia wa xyala ke «ja luʼumi tolabida oj ajyuk» sok oj ajyuke kristyanoʼik bʼa «ti tiw oj ajyuke sakʼan bʼa tolabida» (Eclesiastés 1:4; Salmo 37:29). Ja yuj ja kristyanoʼik mini oj xchʼaye snajel ja Luʼumi sok mini oj yawe paxuk jun planeta bʼa mi oj ajyuk sakʼanil.
Pe ja Biblia wani staʼa tiʼal bʼa jun xchʼakulabʼil. Jun sjejel, wa xyala ke «ja luʼumkʼinali wanxa chʼakel» (1 Juan 2:17).
Ta waxa kʼana oja naʼ jas wa xkʼan yal ja Biblia yajni wa staʼa tiʼal ja xchʼakulabʼil ja bʼa luʼumkʼinali, kʼuman ja artikulo «¿Jelxa maʼ mojan ja xchʼakelal ja luʼumkʼinali? ¿Jasunkiluk ja Apocalipsis?».
Bʼa oja wil ja jas wa xyala ja Biblia sbʼaja ja styempo oj ekʼukʼ ja jastik jakumto ja bʼa luʼumi, kʼuman ja artikulo «¿Cuándo será el fin del mundo?».
Mok chʼayukawuj ja smajlajel
Ja Biblia wa skoltayotik bʼa mok chʼaykujtik ja smajlajel ama yuja jastik wan ekʼel ja bʼa luʼumkʼinali. ¿Jastal?
Ja Biblia wa xyakitik rasonik bʼa jel xmakuni (2 Timoteo 3:16, 17). Jun sjejel, ta waxa kʼana oja naʼ jastal ja Biblia oj skoltaya bʼa mi oj chʼayukawuj ja smajlajel ama yuja wokolik, kʼuman ja artikulo «Qué puedo hacer para no preocuparme tanto».
Ja Biblia wani xyakitik jun smajlajel ja bʼa tyempo jakumi (Romanos 15:4). Wani xyala kabʼtik ja jas oj bʼobʼ jmajlaytik ja wego sok ja bʼa tyempo jakumi, ja jaw wa skoltayotik bʼa oj ajyukotik seguro yajni wa xtʼaspuntik ja wokolik.
Bʼa oja wa el slekilal ja Biblia, wa xlokowatikon ke kʼulan probar ja estudio bʼa Biblia wa xkaʼatikoni.
a «Ja Reloj ja bʼa Kʼakʼu bʼa yajel Kuenta, juni reloj bʼa kechan wa senyaʼan bʼa wa xyala yabʼ ja kristyano ke jelxani mojan oj chʼaytik snajel ja sakʼanil jastalni wa xnaʼatik sbʼaj yuja aparatoʼik jel xiwela sbʼaj jkʼulunejtik. Juni sjejel ja bʼa tsatsal wokolik kiʼojtik bʼa tʼilani oj kiltik ta wa xkʼanatik oj kankotik sakʼan ja bʼa planeta» (Bulletin of the Atomic Scientists [Boletín de Científicos Atómicos]).