Jitsan kristyano bʼa sutanal ja Luʼumi, stuchʼil wa xyabʼ aye sok mey yamigoʼe. Jujuntik loktor wa spensarane ke bʼa mi oj kʼulajuke ganar yuja jastal ay xyabʼye jani skoltajel ja tuk.

•   «Skoltajel ja maʼ wa xmakuniyuji oj skoltayotik bʼa oj kabʼtik ay stojolil ja jsakʼaniltiki sok oj skoltayotik bʼa mi jtuchʼiluk oj ajyukotik sok ja mi oj kʼumuktik ja tuk» (Institutos Nacionales de la Salud, bʼa Estados Unidos).

 Ja Biblia wani xyalakabʼtik jas wa xbʼobʼ jkʼuluktik b’a skoltajel ja tuki. Yajel makunuk ojni skoltayotik bʼa mi oj skʼulotik ganar ja yajni jtuchʼil ayotik xkabʼtiki.

 Aʼajyuk jamana kʼujol. Kʼepayi ja tuk ja jas awiʼoji, jastal jawa tyempo. Leʼa modo bʼa yajel ekʼ tyempo soka tuk. Yajni jamana kʼujol, ja tuk wani xyaʼawe tsʼakatal, sok ja jaw wa xyaʼakan bʼa oj ajyuk kamigotik.

•   Rason bʼa Biblia: «Kʼajyanik yajel, jaxa tuki oj yawilex» (Lucas 6:38).

 Pilayi tyempo ja tuk. Leʼa modoʼik jastal oja koltay ja matik wan ekʼel sbʼaje wokol. Jun sjejel, gustoxta maklaye sok abʼye stojol, ma kʼapabʼaj bʼa ay jas oja kʼuluk bʼa skoltajele.

•   Rason bʼa Biblia: «Jun mero amigo wa xyajtani spetsanil tyempo» (Proverbios 17:17).

 Ta waxa kʼana oja naʼ mas bʼa jastal oj ajyuk lekila wamigoʼik, kʼuman ja artikulo «La familia y los amigo».