Ja bʼa 2024, bʼa yibʼanal ja luʼumi oj ajyuk mas ja politikaʼik bʼa mini bʼa ajyeluk, ja yuj jitsan kristyano mixani sjipa skʼujole sbʼaja politika.

•   Bʼa jun encuesta kʼulaxi ja bʼa Estados Unidos, jitsan ja bʼa matik ti ajyiye yalawe ke «bʼa tʼusan mi yibʼanaluk ja politikaʼik jani wa skʼulane ja jas wa skʼanawe», sok mi jaʼuk bʼa skoltajel ja kristyano (centro bʼa investigación Pew Research Center, 19 bʼa septiembre bʼa 2023). a

 Jitsan keremtik akʼixuk wane xchʼayjel ja sjipjel skʼujole ja bʼa politikaʼik.

•   «Ja matik wane solteroʼaxeli wa skʼanawe oj tojbʼuk ja wokolik, pe ja bʼa encuesta yalawe ke ja politikaʼik mini xyawe tojbʼuk ja wokolik» (The New York Times, 29 bʼa enero bʼa 2024).

•   «Jastalni wa xyala jun encuesta, ja keremtik akixuk masni wa sjipa skʼujole ja bʼa youtubers ke yuja ja politika» (The Korea Times, 22 bʼa enero bʼa 2024).

 Anto, ¿oj maʼ bʼobʼ stojbʼese ja bʼa tyempo jakum ja politikaʼik? ¿Maʼ oj bʼobʼ jipjkʼujoltik?

 Jelni tʼilan oja talnabʼaj ja yajni ay maʼ oja jipa kʼujolsoki. Ja Biblia wa xyala «ja maʼ mi snaʼa kʼinali wa skʼuʼan spetsanil ja jas wa x-aljiyabʼi, pe ja maʼ wa snaʼa kʼinali wa spensaraʼan jujune ja xeteʼik wa xyayiʼi» (Proverbios 14:15).

•   Ta waxa kʼana oja naʼ jastal stalnajelabʼaj sbʼaja impormasyon mi meranuk, kʼuman ja artikulo «Cómo protegerse de la información falsa».

 Asta ja politikaʼik bʼa wa sjeʼawe ke wa xkiswaniye sok ja jastik wa skʼulane aytani stikʼanil. Ja yuja Biblia wa xyaʼa ja rason it:

•   «Moka jipa kʼujolex b’a olomalik sok cha mini b’a jun winik, yujni mi xbʼobʼ yiʼejan koltajel» (Salmo 146:3, La Biblia Latinoamérica).

 Ja Biblia wa xcholo ke ja Dyos stʼojo jun tojwanum bʼa jel yip sok wa xbʼobʼ jipxuk kʼujolal bʼa yeʼn: ja Jesukristo (Lucas 1:32, 33). Ja Jesús yeʼn ja Rey ja bʼa sGobyerno ja Dyos, jun Gobyerno ke tey bʼa satkʼinal (Mateo 6:10).

•   Ila jas yuj ja oj bʼobʼa jipa kʼujol bʼa Jesús sok ja jas oj skʼuluk bʼa oj stojbʼes ja wokolik wa xtʼaspuntiki. Kʼuman ja artikuloʼik «¿Machunkiluk ja Mandaranum ja bʼa sGobyerno?» sok «¿Jasa oj skʼuluk ja sGobyerno ja Dyos?».