Jastalni wa xyala ja Tsome matik wa skʼelawe sbʼaja chamelik bʼa yibʼanal luʼumkʼinal, masan bʼa 23 bʼa mayo bʼa 2022, chamyeta 6.27 miyon yuja COVID-19. Pe jun pilan notisya el ja bʼa 5 bʼa mayo bʼa 2022, ja Tsome matik wa skʼelawe sbʼaja chamelik bʼa yibʼanal luʼumkʼinal yalunej ke bʼobʼta masto jitsan ja janekʼ chameleʼi. Yala ke ja bʼa 2020 sok bʼa 2021, «ja janekʼ chamele yuja tajiye ja COVID-19 ma mixa jaʼuk mero yuja chamel it [...] waj junuk 14.9 miyon». ¿Ay maʼ jas wa xyala ja Biblia sbʼaja tsatsal chamel it?

•    Ja Jesús yalakan «ke ja bʼa tsaʼanikxta kʼakʼu» wa staʼa tiʼal ja Biblia oj ajyuk tsatsal chamelik wa spuku sbʼaj (2 Timoteo 3:1; Lucas 21:11).

 Ja jas yalakan ja Jesús wani kʼotel smeranil. Bʼa oja naʼ mas, kʼuman ja artikulo «¿Cuál es la señal de ‹los últimos días› o ‹los tiempos finales›?».

•    «Ja Dyos maʼ wa xyayi kulan skʼujol ja kristyano [...] wa xyaʼa kulan jkʼujoltik bʼa yibʼanal ja jwokoltiki» (2 Corintios 1:3, 4).

 Jitsan kristyano bʼa chamel spamilyaʼe akʼubʼal kulan skʼujole yuja Biblia. Kʼuman ja artikuloʼik «Ja jastal oj kuchukawuj ja syajali: Modoʼik jel xkoltani» sok «Lekil koltanel sbʼaja matik aye bʼa syajal».

•    «Ajakuk jawa Gobyerno. Akʼulaxuk ja jas waxa kʼana ja bʼa luʼumi, jastalni wan kʼulaxel ja bʼa satkʼinali» (Mateo 6:10).

 Mojanxa ja «sGobyerno ja Dyos» oj ya kʼot smeranil ja yaljelik it: «Mini jun swinkil oj yale: ‹Maloʼayon›» (Marcos 1:14, 15; Isaías 33:24). Bʼa oja naʼ mas sbʼaja Gobyerno it sok ja jas oj skʼuluki, kʼela ja bideo ¿Jasunkiluk ja sGobyerno ja Dyosi?

 Wa xlokowatikon bʼa oja paklay mas ja Biblia bʼa jachuk ja weʼn soka wa pamilya oja taʼex lekil rasonik sok tsamalik skʼapjelal bʼa jel oj skoltayex.