¡AJYANIK K’ELAN JAKAN!

Ja guerra bʼa Ucrania wa xya ipaxuk ja waʼin ja bʼa luʼumkʼinali

STSANJEL BʼA

Ja 19 bʼa mayo bʼa 2022, bʼa jun stsomjele ja tsome matik wa xtalnani bʼa las Naciones Unidas bʼa ajyiye mas ja 75 matik ay chaʼan xchol yalawe ke «ja stekʼjel waʼin ja bʼa luʼumi, bʼa sjomunejxa ja COVID-19 sok ja jastal jel wa xjom ja tyempo, jelxani wan ipaxel bʼa yibʼanal ja luʼum yuja guerra bʼa Ucrania». Tʼusan tsaʼan, ja rebista The Economist yala ke ja «guerraʼi wan yijel och ja luʼumkʼinal bʼa jel oj ajyuk ja waʼin». Ja Biblia yalunejkan ke ojni ajyuk waʼin ja bʼa jtyempotiki, pe cha wani xyakitik rasonik bʼa oj kuchkujtik.

Ja Biblia yalunejkan ojni ajyuk waʼin

Ja Jesús yalakan: «Yujni yeʼnta oj tiroʼanuke ja chonabʼiki sok yeʼnta oj tiroʼanuke ja gobyerno jumasaʼ, sok oj ajyuk waʼin» (Mateo 24:7).
Ja libro bʼa Apocalipsis wa xcholo bʼa chane matik kajane kawuj bʼa kechanta wa senyaʼan. June bʼa yeʼnle wa senyaʼan guerra. Wa snochoyi pilan bʼa wa senyaʼan waʼin, jun tyempo bʼa sbʼisolxta oj ajyuk ja waʼelal sok jel oj kʼeʼuk juntiro ja stsʼakoli. Sok wa xyala: «Ti kila jun kʼikʼil kawuj. Jaxa maʼ kajani syamunej jun pesa. [...] Kabʼ jastal jun kʼumal bʼa wa xyala: ‹Jun kilo trigo stsʼakol jun denario sok oxe kilo cebada stsʼakol jun denario›» (Apocalipsis 6:5, 6).

Ja jastik yalunejkan ja Biblia sbʼaja jel oj ajyuk ja waʼin wani kʼotel ja bʼa jtyempotiki. Sok ja Biblia wa xya sbʼiʼiluk «tsaʼanikxta kʼakʼu» (2 Timoteo 3:1). Bʼa snebʼjel mas sbʼaja «tsaʼanikxta kʼakʼu» sok sbʼaja chanwane matik kajane kawuj ja bʼa Apocalipsis, kʼela ja bideo Ja bʼa 1914 tukbʼi ja luʼumkʼinal sok kʼuman ja artikulo «¿Jas wa senyaʼan ja winik kajane kawuji?».

Ja jastal wa xbʼobʼ koltanuk ja Biblia

Ja Biblia ayiʼoj rasonik bʼa jel xmakuni bʼa wa xbʼobʼ skoltayotik ja bʼa ekʼeleʼik jel wokoli. Sok cha jachni ja yajni wa xkʼe ja stsʼakol ja waʼelali ma asta ja yajni mey waʼelal. La kiltik jujuntik sjejel ja bʼa artikulo «Cómo vivir con menos».
Ja Biblia cha wa xyaʼakitik jun smajlajel bʼa ojni tojbʼuk ja jastik junuki. Wani skʼapakitik ke oj kʼotuk ja tyempo «oj ajyuk jitsan sat jastik junuk ja bʼa luʼumi» sok mixa maʼ oj stekʼ waʼin (Salmo 72:16). Bʼa snebʼjel mas sbʼaja skʼapjelal wa xyaʼa ja Biblia ja bʼa tyempo jakumi sok jas yuj wa xbʼobʼa jipa kʼujol, kʼuman ja artikulo «La esperanza real de un mañana mejor».