Ja viernes 24 b’a febrero b’a 2023, wa xts’ikwi jab’il b’a jun jasunuk jel triste: jani k’e ja guerra b’a Ucrania. Jastalni wa xyala ja imporme’ik, chamele ma yajb’ele junuk 300,000 soldado’ik b’a Ucrania sok b’a Rusia, sok wani xk’u’axi ke chamele junuk 30,000 kristyano’ik. Pe b’ob’ta aytoni mas.

 Tristeni yab’jel, lajansok ja guerra mini oj ch’ak wego.

•    «Ek’tani mojan jun jab’il yajni ja soldado’ik b’a Rusia ochye ja b’a Ucrania, pe lajansok mini chikanuk ta oj tojb’uk ja tiro. Cha mini chikanuk ta ay ma’ wan sk’ulajel ganar ja b’a guerra ma wa sk’ana oj sk’ul jun akuerdo» (NPR [radio pública nacional de Estados Unidos], 19 b’a febrero b’a 2023).

 Jak’ayuj jitsan kristyano ja b’a lu’umi jel chamk’ujol aye yuja syajal sok ja wokolik wa xyi’ajan ja guerra it sok tuk tiro’ik. ¿Jas majlajel wa xya’a ja Biblia? ¿Oj ma’ ch’akuk ja guerra’ik?

 Ja Biblia wa sta’a ti’al b’a jun guerra b’a oj skoltay ja kristyano. Ja guerra it wa xnaji sb’aj jastal Armagedón, sok ja Apocalipsis wa xchiktes jastal ja «niwan skʼakʼu ja Dyosi, ja Maʼ kechan jel ja yipi» (Apocalipsis 16:14, 16). Ja Dyos oj ya makunuk ja guerra jaw b’a oj xch’ay snajel yib’anal ja gobyerno’ik ja b’a lu’umi, b’a ye’nani smule ja wokolik wa xyi’ajan ja guerra’ik. B’a oja na’ jas yuj ja Armagedón oj yijan ja lamanil, k’uman ja artikulo’ik it:

•    ¿Jasunkiluk ja Armagedón?

•    Ja Armagedón juni lekil notisya