¡AJYANIK K’ELAN JAKAN!
Ja testigoʼik bʼa Jyoba sok ja matik jel miljiye | ¿Jasa wa xyala ja Biblia?
Ja 27 bʼa enero bʼa 2023, jitsan kristyano oj skʼuluke celebrar ja Día Internacional en Memoria del Holocausto. Bʼobʼta ja jas ekʼ bʼa ayxa mas ja 75 jabʼil ja weʼn waxa jobʼo abʼaj jas yuj ja Dyos yaʼakan ke oj ekʼuk ja Milwanel jaw.
Bʼa oja naʼ mas ja jas wa xyala ja Biblia, kʼuman ja artikulo «¿Jas yuj jel milji ja judíoʼik ja bʼa Xchabʼil Guerra ekʼ bʼa spetsanil ja Luʼumi? ¿Jas yuj ja Dyos yaʼakan oj ekʼuk?».
Ja judíoʼik jelni ixtalajiye. Jitsan yiʼaje wokol, sok miyonik miljiye. Cha ajyiye kristyano bʼa tuk tsome bʼa iji spatike sok miljiye ja bʼa tyempo jaw. Ja bʼa kristyanoʼik jaw cha ti ajyiye ja Testigoʼik bʼa Jyoba, bʼa iji spatike yuja skʼuʼajele bʼa Biblia.
Bʼa oja naʼ mas, kʼuman ja artikulo «¿Qué les ocurrió a los testigos de Jehová durante el Holocausto?».
«Jun lekil smajlajel ja bʼa tyempo jakumi»
Jitsan kristyano wa xiwye spensarajel ta ojto cha ekʼuk ja Milwanel jastal jaw. Pe wani xyaʼa kulan jkʼujoltik snajel ke ja Biblia wa staʼa tiʼal bʼa jun smajlajel ke ja bʼa wokolik jastal jaw mixani ojto ekʼuk.
«Yujni wa xnaʼa lek ja jas wanon spensarajel sbʼaja weʼnlexi, jach wa xyala ja Jyoba. Wa xkʼana ke oj ajyuka wujilex lamanil, mi bʼa wokoluk. Wa xkʼana oj kawilex jun lekil smajlajel ja bʼa tyempo jakumi» (Jeremías 29:11). a
Ja smajlajel it ojni kʼot smeranil yajni ja Jyoba xchʼaya snajel ja mal kristyano sok ja yajni stojbʼes ja jastik sjomuneje. Jelxani mojan ja Dyos oj skʼuluk ja jastik it:
Oj xchʼay snajel ja matik malo, bʼa wa xyixtalane ja tuki (Proverbios 2:22).
Oj yajnay ja matik yiʼuneje wokoli, sok mixani oj ajyuk ja syajale (Apocalipsis 21:4).
Oj ya sakʼwuk ja matik chamele (Juan 5:28, 29).
Ja weʼn ojni bʼobʼa jipa kʼujol ja bʼa tsamal smajlajel wa xyaʼa ja Biblia. Ta waxa kʼana oja naʼ jas yuj, wa xlokowatikon ke kʼulan probar ja estudio bʼa Biblia wa xkaʼatikoni.
a Ja Dyosi sbʼiʼil Jyoba (Salmo 83:18).