Ja bʼa notisyaʼik jel ja loʼilik ja bʼa jastik malo bʼa ilkʼujolanel, spekʼjel chikʼ yuja rasa sok guerraʼik.

•   «Ja loʼilik bʼa ilkʼujolanel jelxani pukxel ja bʼa redes sociales yuja tiro bʼa Israel sok Gaza bʼa jani nikubʼale yuja matik jel wa xjelxiyeʼi» (The New York Times, 15 bʼa noviembre bʼa 2023).

•   «Man 7 bʼa octubre, ja kristyano yilunej jastal wanxta kʼiʼel ja chamkʼujol yuja ilkʼujolanel, ja loʼilik bʼa ilkʼujolanel sok ja jastik malo» (Dennis Francis, presidente de la Asamblea General de las Naciones Unidas, 3 bʼa noviembre bʼa 2023).

 Ja loʼilik bʼa ilkʼujolanel, ja spekʼjel chikʼ sok ja guerraʼik mini chamyabʼjeluk. Ja Biblia wa staʼa tiʼal bʼa winike jel kalaxe bʼa jani skoltaye ja guerra, sok wa slaja ja jas wa yalawe jastal plechaʼik (Salmo 64:3; 120:7; 140:1). Pe ja Biblia wa xcholo ke ja ilkʼujolanel wa xkilatik ja wego ayni stojol.

 Ja Biblia wa xyaʼa chabʼ rasonik jas yuj jel ja ilkʼujolaneli.

1.  1. Yalakan ke oj ajyuk jun tyempo bʼa tʼusan mi yibʼanaluk ja kristyano oj chebʼuk ja syajal skʼujoleʼi (Mateo 24:12). Jaʼuktoma oj syajtaye ja tuk, soka smodoʼe ojni nikwanuk bʼa oj sjeʼe ilkʼujolanel (2 Timoteo 3:1-5).

2.  2. Ja Biblia wa xyala ke «yibʼanal ja luʼumkʼinali tey bʼa skʼabʼ ja Maʼ jel malo», wa xkʼan alxuk, ja Dyablo (1 Juan 5:19; Apocalipsis 12:9, 12). Ja janekʼxa jelxel ja ilkʼujolanel ja bʼa jtyempotik jani yuja snikwanel jel malo.

 Pe ja Biblia cha wani xyala ke ja Dyos ojxtani xchʼaysnajel man yechalil ja ilkʼujoli. Chomajkil, oj stojbʼes ja wokol yaʼunejkani. Ja Biblia wa skʼapa:

•   Ja Dyos «oj skusyi ja yalel sateʼi, sok mixani oj ajyuk chamelal, mixani tristeʼil, mini mebʼa okʼel sok mini syajal. Ja jastik mi lekuk wa x-ekʼ ajyi chʼayta snajel» (Apocalipsis 21:4).