¡AJYANIK K’ELAN JAKAN!
Ja jastal oj ajyukawuj jun lekil smajlajel ja bʼa 2024 | ¿Jasa wa xyala ja Biblia?
Ja bʼa 2024 jelni oj cha ajyuk wokolik, sok jitsan kristyano wa spensarane ke mi oj tojbʼuk. Pe ayni jun lekil smajlajel ja bʼa tyempo jakumi. ¿Bʼa oj tatik?
Ja Biblia wa xyakitik jun lekil smajlajel
Ja Biblia wa skʼapa ke ja Dyos oj stojbʼes ja wokolik bʼa wa xchʼayakitik ja smajlajel ja wego sok wa xcholo ja jas ojxta skʼuluk sbʼaja kristyano: «Oj skusyi ja yalel sateʼi, sok mixani oj ajyuk chamelal, mixani tristeʼil, mini mebʼa okʼel sok mini syajal» (Apocalipsis 21:4).
Ta waxa kʼana oja naʼ mas sbʼaja jastik wa skʼapa ja Biblia, kʼuman ja artikulo «La esperanza real de un mañana mejor».
Ja jastal oj skoltaya ja Biblia
Ja smajlajel wa xyaʼa ja Biblia oj bʼobʼ skoltaya bʼa oja kʼul luchar soka pensarik mi lekuk sok oj ajyukawuj jun lekil smajlajel (Romanos 15:13). Chomajkil, ja bʼa Biblia wa xtax rasonik bʼa oj skoltaya ja bʼa wokolik wana stʼaspujeli, jastal ja pobreʼil, ja skʼulajel ja bʼa mi tojuk ma jun chamel.
Ila jastal ja smajlajel wa xyaʼa ja Biblia skoltay jun winik bʼa oj ajyuk gusto sok ajyel laman ama ti kʼi bʼa jun pamilya pobre. Kʼela ja bideo Juan Pablo Zermeño: Ja Jyoba yayi stojol ja jsakʼanili.
Ila jastal ja Biblia wa xbʼobʼ skoltaya yajni ay maʼ wa xchamawuj sok yajni jel mulal aya xa wabʼi, yajni triste aya ma chamkʼujol aya. Kʼuman ja artikulo «¿Oj maʼ bʼobʼ jtaʼ jkoltajel ja bʼa Biblia?».
Ila jastal jun ixuk soldado, bʼa yala ke «jel kalax» staʼa jun smajlajel stsʼakatal yuja Biblia. Kʼela ja bideo «Cambié las armas por la Biblia».
¿Wan maʼ xa kʼana lek oj wajukawuj ja weʼn sok jawa pamilya ja bʼa 2024? Ja Biblia oj bʼobʼ skoltaya. Ila jastal mi tupubʼaluk ja estudioʼik bʼa Biblia wa xkaʼatikoni sok ila jastal ja Dyos oj bʼobʼ yawi ‹lamanil [...] sok jun lekil smajlajel ja bʼa tyempo jakumi› (Jeremías 29:11).