Surasak Suwanmake/Moment via Getty Images
¡AJYANIK K’ELAN JAKAN!
Ja jelxelxa skʼixnal ja kʼaʼuj ja bʼa 2023 | ¿Jasa wa xyala ja Biblia?
Ja bʼa luʼumi jelxani wan jelxel ja skʼixnal ja kʼaʼuj bʼa mini ilxel sok bʼa tuk jastik ti chʼikan soka wego wa xtukbʼi ja clima. Ila ja impormeʼik ti nochani:
«Ja Luʼumi ajyiyuj ja yixawil junio ja bʼa mas jelxelxa ja skʼixnal ja kʼaʼuj man kʼe paklaxuk ja clima bʼa sutanal ja luʼumi bʼa ayxa 174 jabʼil» (Oficina Nacional de Administración Oceánica y Atmosférica, Departamento de Comercio de Estados Unidos, 13 bʼa julio bʼa 2023).
«Ja bʼa Italia, España, Francia, Alemania sok Polonia jelxita el ja skʼixnal ja kʼaʼuj, sok wa xmajlaxi ke oj kʼeʼuk 48 ºC [118 ºF] ja islaʼik bʼa Sicilia sok Cerdeña. Bʼobʼta jani ja mas jelxita el ja skʼixnal ke mini bʼa ilxel ja bʼa Europa» (Agencia Espacial Europea, 13 bʼa julio bʼa 2023).
«Yajni wan jelxel ja skʼixnal ja kʼaʼuj ja bʼa luʼumi, wa xmajlaxi ke oj yaʼ tsatsal jaʼ sok mas tikʼan, soka jaw cha ojni yijan bʼutʼ jaʼik» (Stefan Uhlenbrook, director de la Sección de Hidrología, Recursos Hídricos y Criosfera de la Organización Meteorológica Mundial, 17 bʼa julio bʼa 2023).
¿Wan maʼ xchamakʼujol yuja jel ja notisyaʼik sbʼaja jelxa wan jomel ja clima? Ila ja jas wa xyala ja Biblia sbʼaja wokol it jelxa xiwela sbʼaj ayi.
¿Alubʼal maʼ kan ja bʼa Biblia ke jel oj jomuk ja clima?
Alubʼal. Ja jelxelxa skʼixnal ja kʼaʼuj sok bʼa tuk modoʼik jelxa wan jomel ja clima wani syaka sbʼaj ja jas wa xyala ja Biblia sbʼaja jas oj ekʼuk ja bʼa jtyempotiki. Jun sjejel, ja Jesús yala oj kiltik «jastik jel xiwela sbʼaj» ma «jastik jel kistal skʼeljel» (Lucas 21:11; Serafín de Ausejo, 1975). Jitsan kristyano wa xiwye yuja skʼixnal wan ipaxel ja kʼaʼuji sok wa xiwye ke ja winiki oj xchʼaye snajel ja Luʼumi.
¿Oj maʼ eljul ja styempoʼil mixa oj ajyuk swinkil ja Luʼumi?
Miyuk. Ja Dyosi skʼulan ja Luʼumi bʼa ti oj ajyukotik bʼa tolabida sok mi oj yakan ke ja winiki oj xchʼaye snajel (Salmo 115:16; Eclesiastés 1:4). Pes skʼapunejni oj xchʼaysnajel «ja matik wane sjomjel ja luʼumi» (Apocalipsis 11:18).
Ja Biblia wa sjeʼa ke ja Dyosi ojni bʼobʼ stalnay ja Luʼum bʼa jun jasunuk ke ti chʼikan soka clima, sok ojni skʼuluk.
«[Ja Dyosi] wa xya lamxuk ja tsatsal ikʼ sok jaʼi; wa xlamxi ja olaʼik bʼa mari» (Salmo 107:29). Ja Dyosi wani xbʼobʼ skom ja yipalil yiʼoj ja kʼulbʼeni. Ojni bʼobʼ stojbʼes ja wokolik yiʼoj ja luʼumi yuja jelxa wan jomel ja clima sok ja jas wa xya wokolanuk ja kristyano.
«Weʼn waxa talnay ja luʼumi sok waxa waʼakan bʼa jel oj bʼaʼalanuk» (Salmo 65:9). Ja Dyosi oj ya pax jun tsamal lugar ja Luʼumi.
Bʼa oja naʼ mas ja bʼa kʼapjelal wa xyaʼa ja Biblia sbʼaja jastal oj cha tojbʼuk ja luʼumi, kʼela ja artikulo «¿Quién salvará el planeta?».