Yajni ti ajyi bʼa Luʼum, ja Jesús sjeʼa jel syajtayotik; asta yaʼa ja sakʼanil yuj keʼntik (Mateo 20:28; Juan 15:13). Sok ojxta cha sjekitik janekʼto wa syajtayotik yajkʼachil ekʼele: jastalni Rey ja bʼa sGobyerno ja Dyos, oj xchʼay «snajel ja guerra’ik bʼa yibʼanal ja luʼumi» (Salmo 46:9).

 Ila ja jas wa xyala ja Biblia sbʼaja jas oj skʼuluk ja Jesús:

•   «Ja yeʼn oj skoltay ja pobre bʼa wa x-awani skʼanjel skoltajeli, cha jachuk ja maʼ chʼin wa xyaʼa sbʼaji sok yibʼanal ja matik mi maʼ wa xkoltajiyuji. Oj snaʼ syajulal ja maʼ chʼin wa xyaʼa sbʼaji sok ja pobreʼi, sok oj skoltay ja sakʼanil ja matik pobre. Oj ya el libre ja bʼa tʼenwanel sok ja bʼa spekʼjel chikʼi» (Salmo 72:12-14).

 ¿Jastal oj bʼobʼ jetik ke chaʼanyabʼal wa xkilatik ja jas skʼulan ja Jesús sok ja jas oj skʼuluk yuj keʼntik? Ja bʼa Lucas 22:19, ja Jesús yala yabʼ ja snochumanik ke ayawe julskʼujole ja xchamelali. Ja yuj kada jabʼil ja testigoʼik bʼa Jyoba wa stsomo jbʼajtikon bʼa yajel juljkʼujoltikon ja xchamelal ja Jesús. Wa xlokowatikon bʼa oja mojtayotikon. Oj kʼulaxuk bʼa domingo 24 bʼa marzo bʼa 2024.

Bʼa oj ochan ja bʼa Conmemoración