«Ja jastal wego wan tukbʼel ja clima masxani wa xyayi wokol ja kristyano, ja chonabʼik sok ja jastik junuk. Ja niwak tsatsal ikʼ jaʼik masxani wa xchʼaya snajel jitsan jastik junuk yuja wan tukbʼel ja clima, ja yuj jitsan kristyano wa xchʼaya ja snaje sok ja yaʼtele. Ja jastik junuk ja bʼa mari wani jomel sok jitsan chanteʼik ojni bʼobʼ chʼayuk snajel» (Inger Andersen, secretaria general adjunta de las Naciones Unidas sok directora ejecutiva del Programa de las Naciones Unidas para el Medio Ambiente, 25 bʼa julio bʼa 2023).

 ¿Oj maʼ ochuke akuerdo ja gobyernoʼik bʼa oj sleʼe modo stojbʼesel ja jastik wan sjomjel ja luʼumi? ¿Oj maʼ lajxukyujile skʼulajel?

 Ja Biblia wa staʼa tiʼal bʼa jun gobyerno bʼa wa xbʼobʼ stojbʼes ja jastal wan jomel ja luʼumi. Wa xyala ke «ja Dyos bʼa satkʼinal oj ya kujlajuk jun gobyerno», wa xkʼan alxuk, jun gobyerno bʼa oj ya mandar bʼa spetsanil ja luʼumi (Daniel 2:44). Ja bʼa gobyerno jaw, ja kristyanoʼik ‹mixa maʼ oj yixtalaʼuk sok oj sjom ja jastiki›: mixa oj yixtalaʼuk sbʼaje sok mixa oj sjome ja luʼumi (Isaías 11:9).