¡AJYANIK K’ELAN JAKAN!
Wanxta kʼeʼel ja stsʼakol ja jastiki | ¿Jasa wa xyala ja Biblia?
Ja presidente bʼa Grupo Banco Mundial, bʼa jun imporme bʼa junio bʼa 2022 wa xyala: «Yajkʼachil ekʼele jelni wan kʼeʼel ja stsʼakol ja jastik ja bʼa luʼumkʼinali». «Yuja it jelxani chaʼan stsʼakol ja jastik wa xmanxi sok ja kristyano mixani ay lek stakʼine bʼa smanjel».
Jastalni wa xchiktes ja Fondo Monetario Internacional: «Ja stsʼakol ja waʼelal, ja Carbón, ja Petróleo sok ja Gasolina wanxtani kʼeʼel, sok mastoni wan yajel wokolanuk ja kristyanoʼik bʼa paisik mas pobreʼe».
Ja Biblia wa skoltayotik yabʼjel stojol jas yuj wan ekʼeljbʼajtik ja wokol it soka takʼini, jastal oj kuchkujtik sok jasa smajlajel kiʼojtik bʼa ojtoni tojbʼuk.
Ja jel wan kʼeʼel ja stsʼakol ja jastik ja bʼa «tsaʼanikxta kʼakʼu»
Ja Biblia wa xya sbʼiʼiluk ja bʼa tyempo aytik sakʼan «tsaʼanikxta kʼakʼu» (2 Timoteo 3:1).
Ja Jesús yala ke ja bʼa tyempo it «oj ilxuk jastik jel xiwela sbʼaj» (Lucas 21:11). Yajni wa xkʼe ja stsʼakol ja jastiki, ja kristyano wa xiwye yujni mi snaʼawe ja jas oj ijukjanyile sok ta oj bʼobʼ smakʼlaye ja spamilyaʼe.
Ja libro bʼa Apocalipsis yalaxakan ke ja bʼa tyempo it ja stsʼakol ja waʼelaliki jelni oj kʼeʼuk, wa xyala: «Kabʼ jastal jun kʼumal bʼa wa xyala: ‹Jun kilo trigo stsʼakol jun denario sok oxe kilo cebada stsʼakol jun denario›» (Apocalipsis 6:6).
Bʼa oja naʼ mas sbʼaja «tsaʼanikxta kʼakʼu» sok ja jas alubʼalkan ja bʼa libro bʼa Apocalipsis, kʼela ja bideo Ja bʼa 1914 tukbʼi ja luʼumkʼinal sok kʼuman ja artikulo «¿Jas wa senyaʼan ja winik kajane kawuji?».
Ja jastal oj tojbʼuk ja wokolik soka takʼini
«Oj skʼuluke naʼitsik sok ti oj ajyuke tiw oj stsʼun-e yalajil uvaʼik sok oj sloʼe ja sati. Mi oj skʼuluke naʼitsik bʼa pilan maʼ oj ajyuk, sok mi oj stsʼun-e bʼa pilan maʼ oj sloʼe (Isaías 65:21, 22).
«Oj ajyuk jitsan sat jastik junuk ja bʼa luʼumi; sok ja bʼa sniʼ ja witsiki oj jelxuk ele» (Salmo 72:16).
«Yuja jastal wa x-ixtalajiye ja kristyanoʼik wa xyiʼaje wokoli, yuja wa sjikʼa skʼujole yuja pobreʼil, ojni kʼekon sok ay jas oj jkʼuluk, ‹jach wa xyala ja Jyoba›» (Salmo 12:5). a
Bʼa tʼusanxta tyempo ja Dyos oj xchʼaysnajel ja wokolanel soka takʼini. Sok mini kechanukta bʼa jun país, bʼajni yibʼanal ja luʼumkʼinali. Bʼa oja naʼ jastal oj skʼuluk, kʼuman ja artikulo «¿Es realista esperar un sistema económico justo?».
Pe ja bʼa jtyempotik, ja Biblia ojni bʼobʼ skoltaya ja bʼa jastal jelxa wan kʼeʼel ja stsʼakol ja jastiki. ¿Jastal? Jani soka rasonik yiʼoj sbʼaja jastal oj wa makunuk lek ja takʼini (Proverbios 23:4, 5; Eclesiastés 7:12). Bʼa oja naʼ mas, kʼuman ja artikuloʼik «Talnay ja jastika bʼaj» sok ja «Cómo vivir con menos».
a Ja Jyoba jani ja sbʼiʼil ja Dyos (Salmo 83:18).