Ja ajyela wamigoʼik ojni bʼobʼ skʼul ganar ja tuchʼil xa wabʼ aya | Ja Biblia oj bʼobʼ skoltaya
Ja bʼa 2023, ja lucha soka stuchʼil xyabʼ june kʼotni jun wokol sbʼaja kristyano. ¿Wan maʼ xbʼobʼ kʼulaxuk ganar ja it?
«Ja jgustoʼiltiki sok ja lek aytik xiwela sbʼaj oj ajyuk yajni wa xkabʼtik jtuchʼil aytik sok wa xpila jbʼajtik soka tuki. Pe wani xbʼobʼ jkʼultik ganar yajni wa xkʼulantik jastik bʼa wa xya tsatsbʼuk ja jastal wa xkila jbʼajtik soka tuki» (Vivek Murthy, director general de Salud Pública de Estados Unidos). a
Mini yajnaluk oj pil jbʼajtik soka tuk bʼa jtuchʼil oj kabʼ aytik. Bʼobʼta stuchʼil oj yabʼ june ama tey sok jitsan kristyano. Chikan ja srason yuja wa xkabʼtik jtuchʼil aytik, ja Biblia wa xyakitik lekil rasonik bʼa skʼulajel ganar, jastal ajyela wamigoʼik bʼa kʼubʼan oj ajyansok.
Rasonik bʼa Biblia bʼa oj skoltaya
Ala ja jasa waxa pensarani. Ja it mi kechan wa stojolan yaljel ja jastal aya xa wabʼ; cha tini chʼikan smaklajel. Yajni mas wa xchama kʼujol sbʼaja wa moji, masni kʼubʼan oj ajyansok.
Teksto bʼa Biblia: «Mi kechanuk waxa leʼawex ja jas waxa kʼanawex ja weʼnlexi, cha jachni ja jas wa skʼanawe ja tuki» (Filipenses 2:4).
Leʼa tuktukila wamigoʼik. Puesto ajyan bʼa yamigoʼajel kristyanoʼik bʼa ayxa skʼujole, keremtik ma akʼixuk, bʼa ti sbʼaje bʼa pilan país ma kostumbre.
Teksto bʼa Biblia: ‹Jama jawa kʼujolexi› (2 Corintios 6:13).
Ta waxa kʼana oja naʼ mas jastal slejel lekila wamigoʼik, kʼuman ja artikulo «Cómo saciar la sed de amistad».
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community (La epidemia de la soledad y el aislamiento: Informe del director general de Salud Pública de Estados Unidos sobre los beneficios de las conexiones sociales y la comunidad), 2023.
Bʼobʼta cha ojni akʼul gusto
SJOBʼJELIK SBʼAJA BIBLIA
¿Jas wa xyala ja Biblia sbʼaja amigoʼiki?
Ja lekil amigoʼiki wa xkoltaniye bʼa oj jchiktestik ja lekil jmodotiki sok bʼa oj jkʼuluktik ja jas wa xnaʼatiki ¡Tsaʼa lek jawa wamigoʼiki!
DIBUJOʼIK BʼA WA XNIJKI
Machunkiluk jun meran amigoʼil
Chikan maʼ oj yal kʼotel awamigo, ¿pe jasunkiluk jun meran amigoʼal?
