Bʼa sutanal ja luʼumi, jitsan país mini tsoman ayuke ja kristyano yuja politika. Jastalni yala bʼa jun spaklajel skʼulane ja bʼa 2022 ja centro de investigación Pew Research Center, «ja 65% ja matik ayxa skʼujole ke jobʼjiyile bʼa 19 país yalawe ke ja bʼa spaise jel wokol x-ochye akuerdo, ma mini tʼun x-ochye akuerdo ja kristyano yuja tuktukilxta ja partidoʼik bʼa politika».

 Ja bʼa wa lugar ja weʼn, ¿wanxta maʼ ipaxel ja spiljel sbʼaje ja kristyano yuj smul ja politika? ¿Jas yuj wa x-ekʼ ja jaw? ¿Ay maʼ jun jasunuk oj stojbʼes? Kʼela ja jas wa xyala ja Biblia.

 Ja Biblia yalaxakan ke ja bʼa jtyempotiki, bʼa wa xyaʼ sbʼiʼiluk «tsaʼanikxta kʼakʼu, jitsan kristyano oj ajyuk yuj modoʼalik bʼa jelni wokol oj yaʼ ajyuk ja tsomanil.

•   «Ja bʼa tsaʼanikxta kʼakʼu oj jak tyempoʼik jel wokol sok mi pasiluk oj kuchkujtik. Yujni ja kristyano kechanta yeʼn oj syajtay sbʼaje; [...] mi puesto oj ajyuke bʼa ochel akuerdo» (2 Timoteo 3:1-3).

 Anima ja kristyano jel skʼujolane bʼa lek oj wajyuj ja gobyernoʼik, pe ja jaw mini wanuk lajxel. Ay kristyano bʼa jelni tuk ja spensari, bʼa jelni wokol wa xyabʼye aʼtel lajan bʼa stojbʼesel ja wokoliki. Ja jaw wani xchiktes jaman lek ja bʼa jas yalakan ja Biblia bʼa jitsanxa tyempo.

•   «Ja winiki ibʼ kʼabʼal ayuj ja winiki bʼa sjomelal» (Eclesiastés 8:9).

 Pe ja Biblia wa staʼa tiʼal bʼa jun jasunuk oj stojbʼes: jun gobyerno bʼa june maʼ stojunej ke oj bʼobʼ xchʼay spetsanil ja swokolik ja kristyano.

 Pe ja Biblia wa xcholo bʼa jun olomal ke mini maʼ oj slaje, jun olomal ke ayiʼoj ja jas wa xmakuni bʼa stojbʼesel ja jastik junuki. Ja olomal jaw, yeʼn ja Jesukristo. Ja yeʼn ayiʼoj ja ipal, ja cholal sok ja kʼankʼunel bʼa yijeljan ja lamanil sok tsomanil bʼa yibʼanal ja kristyano.

•   «Ja bʼa skʼakʼujik ja maʼ toji oj nichinuk,sok jelni oj ajyuk ja lamanili» Salmo 72:7).

•   «Spetsanil ja chonabʼiki oj yaʼteltaye» (Salmo 72:11).

 Ja Jesús yeʼnani ja lekil olomal oj bʼobʼ ajyuki, yujni meran wa xcham skʼujol ja kristyano sok wa skʼana oj skoltay, pe mastoni ja matik yiʼoje wokol yuja kʼulubʼayile jastik bʼa mi tojuk.

•   «Ja yeʼn oj skoltay ja pobre bʼa wa x-awani skʼanjel skoltajeli, cha jachuk ja maʼ chʼin wa xyaʼa sbʼaji sok yibʼanal ja matik mi maʼ wa xkoltajiyuji. Oj snaʼ syajulal ja maʼ chʼin wa xyaʼa sbʼaji sok ja pobreʼi, sok oj skoltay ja sakʼanil ja matik pobre. Oj ya el libre ja bʼa tʼenwanel sok ja bʼa spekʼjel chikʼi (Salmos 72:12-14).

 Naʼa mas sbʼaja gobyerno bʼa satkʼinal ke wan stojel ja Jesús, ja sGobyerno ja Dyos, sok ila jastal ja gobyerno jaw oj skoltaya sok jastal oj bʼobʼa koltay ja weʼn.

•   Ila ja bideo «¿Jasunkiluk ja sGobyerno ja Dyosi?»

•   Kʼuman ja artikulo «El Reino de Dios: un gobierno sin corrupción».