¡AJYANIK K’ELAN JAKAN!
Ja politikoʼik wa xyalawe ojxta eljul ja Armagedón | ¿Jasa wa xyala ja Biblia?
Ja saʼan sakbʼel lunes 10 bʼa octubre bʼa 2022, jitsan bombaʼik bʼa Rusia bʼojti bʼa jujuntik chonabʼ bʼa Ucrania. Ja it ekʼi yuja bʼojti jun bomba ja bʼa puente bʼa Crimea bʼa wa staʼa sbʼaj soka Rusia. Tʼusan bʼajtan yuja jastik jaw, jujuntik politikoʼik yalunejexani ke ojxtani eljul ja Armagedón.
«Masan ja bʼa styempo ja Kennedy [presidente bʼa Estados Unidos] sok ja wokol ajyi ja bʼa Cuba yuja bombaʼik, mini bʼa kabʼunejtikon jelxa mojan ja Armagedón jastalni ja wego. [...] Mini xkʼuʼan ke oj bʼobʼ axuk makunuk armaʼik sok mi oj eljul ja chʼakelal» (Joe Biden, presidente bʼa Estados Unidos, 6 bʼa octubre bʼa 2022).
«Wani xkʼuʼan ke ja it jani ja Armagedón; yujni jun jasunuk bʼa xiwela sbʼaj wa xya ajyuk ja luʼumkʼinali» (ja jas yala ja Volodímir Zelenski, presidente bʼa Ucrania, yajni jobʼxiyi sbʼaja swokolil wa xyiʼajan yajel makunuk armaʼik; BBC News, 8 bʼa octubre bʼa 2022).
Ja yajel makunuk armaʼik, ¿wan maʼ xbʼobʼ yiʼotik och bʼa Armagedón? ¿Jasa wa xyala ja Biblia?
¿Ja maʼ ja armaʼik ja oj yijan ja Armagedón?
Miyuk. Ja yaljel Armagedón kechantani jun ekʼele wa xtax ja bʼa Biblia, bʼa Apocalipsis 16:16. Sok mini wa xkʼan yal jun guerra sbʼaja chonabʼiki, jani wa xkʼan yal ja sguerra ja Dyos sok ja «reyik bʼa yibʼanal ja luʼumi» (Apocalipsis 16:14). Ja Dyos oj ya makunuk ja guerra bʼa Armagedón bʼa oj xchʼaysnajel spetsanil ja gobyernoʼik bʼa luʼum (Daniel 2:44).
Bʼa snajel mas jasa oj ekʼ sbʼaj ja Luʼum ja bʼa Armagedón, kʼuman ja artikulo «¿Jasunkiluk ja Armagedón?».
¿Oj maʼ chʼaysnajel ja Luʼum sok ja swinkil yuj smul jun guerra?
Miyuk. Bʼobʼta ja gobyernoʼik bʼa luʼum oj yawe makunuk armaʼik ja bʼa tyempo jakumi, pe ja Dyos mini oj yakan ke ja Luʼum achʼayjuk snajel. Ja Biblia wa xyala:
«Ja luʼumi tolabida oj ajyuk» (Eclesiastés 1:4).
«Ja matik toji oj sbʼajuke ja luʼumi, sok ti tiw oj ajyuke sakʼan bʼa tolabida» (Salmo 37:29).
Ja yuj, ja jastik alubʼalkan ja bʼa Biblia sok ja jastik wan ekʼel ja bʼa jtyempotiki wani sjeʼa ke ayotik bʼa jun tyempo jel wokol (Mateo 24:3-7; 2 Timoteo 3:1-5). Ila ja jas wa xyala ja Biblia sbʼaja tyempo jakum soka estudio bʼa Biblia wa xkaʼatikon jach kʼebʼubʼal.
Bʼobʼta cha ojni akʼul gusto
SJOBʼJELIK SBʼAJA BIBLIA
¿Oj maʼ chʼayjuk snajel ja Luʼumi?
Ja jas wa xyala ja Biblia bʼobʼta jel cham oja wabʼ.
ESSENTIAL BIBLE TEACHINGS
¿Jas yuj ja Dyos skʼulan ja Luʼumi?
Ja luʼum bʼutʼel jastik junuk jel tsamal. Snaʼa janekʼ snajtil yaʼakan soka Kʼaʼuji sok ja jastal oj sututuki. ¿Jas yuj ja Dyos jel skʼujolan bʼa tsamalxta oj kanuk ja luʼumi?
SJOBʼJELIK SBʼAJA BIBLIA
¿Jas senyaʼik oj ajyuk ja bʼa «tsaʼanikxta kʼakʼu» ma ja «jel xa mojan ja tiempo»
Ja Biblia yala ke oj ekʼ jitsan jastik junuk bʼa junxtani tyempo oj ekʼuk sok jani ja senyaʼik ja bʼa tsaʼanikxta kʼakʼu
Ja Rusia wa x-och ja b’a Ucrania. ¿Wan maʼ kʼotel ja jastik yalunejkan ja Biblia?
Ta jachuk, ¿wan maʼ xyala ja Biblia jastal oj chʼak spetsanil ja it?
JA JUʼUN CHOLUMANI
¿Ay maʼ matik oj kan sakʼan ja bʼa Armagedón?
Jitsan ixuk winik wa xiwye yuja Armagedón, ¿pe jachʼ maʼ?
SBʼAJA KEʼNTIKONI
Kʼana maʼ oj yulataya
Naʼa ja sjakʼjel bʼa jun sjobʼjel bʼa Biblia ma naʼa sbʼaj mas ja testigoʼik bʼa Jyoba.
