Ja bʼa Biblia wani xbʼobʼ jtatik lekil rasonik. Tʼilani oj jkʼumuktik tikʼan, spensarajel ja bʼa jas wa xkʼumantik sok yajel makunuk ja jas wa xnebʼatik bʼa jachuk lek oj wajkujtik ja bʼa jsakʼaniltiki (Josué 1:8; Salmo 1:1-3). Cha ojni bʼobʼ jnatik sbʼaj ja Dyosi sok ja Yunini, sok ja snajel jaw ojni bʼobʼ ya kankotik sakʼan (Juan 17:3).

¿Jas xchojlal oj bʼobʼ jkʼumuktik ja libroʼik bʼa Biblia? Ayni jitsan modoʼik. Ja programa it ja bʼa skʼumajel ja Biblia ojni bʼobʼ akʼumuk ja jastalni jakel ja libroʼik bʼa Biblia ma stsajel tuktukil yolomajel. Jun sjejel, ta akʼuman bʼa xetʼanik, ojni juluk akʼujol ja jastal yila sbʼaj ja Dyos soka israʼelenyoʼik. Cha ojni bʼobʼ akʼumuk tuk xetʼanik bʼa oj juluka kʼujol ja jastal kujlaji sok kʼi ja bʼajtan kongregasyon ja bʼa bʼajtan siglo. Ta akʼuman jujuntik kapitulo kada kʼakʼu, oj chʼaka kʼumuk bʼa jun jabʼil.

Ta wana slejel jun programa bʼa skʼumajel kada kʼakʼu ja Biblia, waxa kʼana oj chʼaka kʼumuk bʼa jun jabʼil ma kechanta waxa kʼana oj kʼeʼan skʼumajel, ja yamkʼabʼal it weʼna bʼaj. Kʼeʼan kʼuman bʼa yan kʼakʼu: akoʼuk ja programa bʼa skʼumajel ja Biblia, cha oj bʼobʼ akʼul imprimir.