Yajni xk’e ja jab’il 2023 wani xmajlaytik ke lek oj wajkujtik ja ke’ntik soka jpamilyatiki. ¿Jas yuj wa xb’ob’ ajyukujtik jun smajlajel?

 Ja Biblia wa xyakitik ja lekil notisya ke ja wokolik wa xt’aspuntik ja b’a jtyempotik ek’umb’ej ita sok ojni ch’akuk. Pe ja Biblia ‹tsʼijbʼajinikan bʼa oj sjekitik, bʼa jachuk [...] wa xyaʼa kulan jkʼujoltik ja Yabʼal ja Dyosi sok oj ajyukujtik smajlajel› (Romanos 15:4).

•   B’a oja neb’ mas ja jas wa sk’apa ja Biblia, k’uman ja artikulo «La esperanza real de un mañana mejor».

 Ja smajlajel wa xya’a ja Biblia ojni b’ob’ k’ot jastal «jun ancla ja bʼa jsakʼaniltiki» (Hebreos 6:19). Ja smajlajel it wa xb’ob’ ya ajyukotik laman. Wani xb’ob’ skoltayotik b’a oj kuchkujtik ja jwokoltik, b’a oj ajyuk jun lekil jmodotik sok stajel gusto’il b’a tolabida. Jun sjejel:

•   Ila jastal ja smajlajel wa xya’a ja Biblia skoltay jun winik b’a sk’ulajel luchar soka bisyo. K’ela ja bideo Och kilkʼujoluk ja jsakʼanil kiʼoj ajyi.

•   Ila jastal ja smajlajel wa xya’a ja Biblia oj b’ob’ skoltayotik yajni ay ma’ wa xchamkujtik. K’ela ja bideo Koltajel sbʼaja matik ay maʼ chamelyuj.

 Jitsan kristyano wa sk’anawe ke a-ek’ sb’aje jastik b’a lek, pe mini seguro’ayuke ta oj k’ot smeranil ja jasa wa smajlaye’i. Tukni lek ja jasa wa sk’apa ja Biblia. ¿Jas yuj? Yujni ja jastik wa sk’apa ja Biblia tini wa xjak ja b’a jDyostik Jyoba a, «ja maʼ mi xbʼobʼ sleʼ abʼali» (Tito 1:2). Kechani ja Jyoba wa xb’ob’ ya k’otuk spetsanil ja jas wa sk’apa; ja ye’n wa skʼulan spetsanil «ja jas wa xkʼankʼuniyuj skʼulajel» (Salmo 135:5, 6).

 Wa xlokowatikon b’a oj wa el slekilal ja smajlajel wa xya’a ja Biblia. Ojni b’ob’ wa ts’atsb’uk ja jastal waxa jipa k’ujolsoki yajni xa ‹paklay lek ja Yab’al ja Dyosi› (Hechos 17:11). Ojni b’ob’a wil ja b’a estudio’ik b’a Biblia wa xka’atikoni. ¡K’e’an ja 2023 sok jun modo jel lek!