«Ama ja COVID-19 mixa xiwelaʼuk sbʼaj bʼa sutanal ja luʼum, ja jaw mi wa stojolan ke mixa jas wa xbʼobʼ ekʼ jbʼajtik. […] Yajni xjul ja pilan chamel wa spuku sbʼaji, pes yujni oj eljule, tʼilani chapanxa oj ajyukotik» (Tedros Adhanom Ghebreyesus, director general de la Organización Mundial de la Salud, 22 de mayo de 2023).

 Jitsan waneto skʼulajel luchar soka wokolik yaʼakan ja chamel wa spuku sbʼaj ja COVID-19. ¿Chapanxa maʼ oj ajyuke ja gobyernoʼik sok ja institusyonik ba an ja yajni xjul ja pilan chamel wa spuku sbʼaji? Ma kechanta la jpensaraʼuktik ja it, ¿wan maʼ xbʼobʼ stojbʼese ja wokolik kiʼojtik ja bʼa jsakʼaniltik ja wego?

 Ja Biblia wa xyala ke «ja Dyos bʼa satkʼinal oj ya kujlajuk jun gobyerno», sok ja gobyerno jaw ojni yakan bʼa mixa jas oj ekʼ jbʼajtik (Daniel 2:44). Chomajkil, ja bʼa Luʼumi «mini jun swinkil oj yale: ‹Maloʼayon›» (Isaías 33:24). Jelxani lek oj ajyukotik kibʼanaltik sok jelni oj ajyuk kiptik jastal ja matik mito ay skʼujoli (Job 33:25).