Jun ekʼele ja jabʼili, ja testigoʼik bʼa Jyoba bʼa spetsanil ja luʼumi sok miyonik kristyano bʼa lokubʼale wa stsomo sbʼaje bʼa skʼintajel ja Conmemoración bʼa xchamelal ja Jesús, jastalni yala ke oj jkʼuluktik (Lucas 22:19). Ja ekʼele it wa skoltayotik bʼa yabʼjel stojol ja stʼilanil yuja yaʼa ja sakʼanil ja Jesús yuja kristyano. Chomajkil wa skoltayotik yiljel jas wa stojolan bʼa keʼntik ja wego sok ja bʼa tyempo jakumi (Juan 3:16).

 Sea ta wajya ma miyuk ja bʼa Conmemoración ja bʼa jabʼil it, ¿ja slekilal wa xbʼobʼ wa eluk stsʼakatal yuja sakʼanil yaʼa ja Jesús? Ja yeʼn sjeʼa ke tʼilan oj jkʼuluktik chabʼ jasunuk.

1.  1. Snebʼjel sbʼaja Dyos sok bʼa Jesús. Bʼa jun orasyon yayi ja stat bʼa satkʼinal, ja Jesús yala yabʼ: «Ja it wa stojolan sakʼanil bʼa tolabida: akʼot snaʼe abʼaj ja weʼn, ja único Dyos smeranili, sok ja maʼ ajekaʼi, ja Jesukristo» (Juan 17:3).

2.  2. Yajel makunuk ja jas wa xnebʼatik. Ja Jesús xchiktes ke tʼilan oj katik makunuk ja sjejelik ja bʼa jsakʼaniltik. Jun sjejel, ja bʼa xchʼakulabʼil ja sLoʼil bʼa Witsi, skʼulan felicitar ja matik wa smaklay ja jas wa xyala «sok wa skʼulan» (Lucas 6:46-48). Bʼa pilan ekʼele, cha yala: «Yuja wanxa xa naʼawex ja jastik it ja wego, ojni ajyanik gusto ta akʼulanexi» (Juan 13:17).

 ¿Wan maʼ xa kʼana oja naʼ mas sbʼaja Dyos sok bʼa Jesús? ¿Wan maʼ xa kʼana oja naʼ jastal oj wa makunuk ja jas waxa nebʼa? Ja il ayni jujuntik koltanelik bʼa jel oj makunukawuj.

 Ja estudio bʼa Biblia wa xkaʼatikoni jel skoltunej jitsan kristyano bʼa oj spaklaye ja Biblia sok yajel makunuk ja jas wa snebʼawe ja bʼa sakʼanile.

•   Ochan ja bʼa página «Programa bʼa oj ajukawi jun estudio bʼa Biblia» bʼa oja naʼ mas sbʼaja estudio it.

•   Kʼela ja bideo Abʼan stsamalil jawa estudio bʼa Biblia bʼa yiljel jastal skʼulajel estudiar ja Biblia soka testigoʼik bʼa Jyoba.

 Ja testigoʼik bʼa Jyoba wa stsomo sbʼaje chabʼ ekʼele ja semana bʼa lugarik wa sbʼiʼilan Naʼitsik bʼa Tsomjelal. Ja bʼa reunionik it, wa xtaʼatikon tiʼal sbʼaja Biblia sok jastal yajel makunuk ja sjejelik ja bʼa jsakʼaniltik.

 Ja bʼa reunionik wani xbʼobʼ jakuk chikan jas kristyano; mi yajnaluk kʼotela testigo bʼa oj jakan. Chikan jastal wa xtax jawa lugari, bʼobʼta oj bʼobʼ jakan ma ochel jach bʼa bideollamada.

•   Ja bʼa bideo ¿Jastal wa xkʼulaxi ja jtsomjeltikoni?, oja wil jasa wa smajlaya yajni la waj bʼa jun Naʼits bʼa Tsomjelal.

•   Kaʼax ja bʼa página «Stsomjele ja taʼumantiʼik bʼa Jyoba» bʼa oja wil bʼa wa stsomo sbʼaj ja kongregasyon mas mojan awiʼoji.

 Ay jitsan artikuloʼik sok bideoʼik ja bʼa sitio it bʼa oj bʼobʼ skoltaya snajel mas sbʼaja jasa sjeʼa ja Jesús sok sbʼaja jas yuj jel chaʼanyabʼal ja sakʼanil yaʼa.

 Jun sjejel, ta waxa kʼana oja naʼ jas yuj ja xchamelal kechanta jun winik wa xbʼobʼ skoltay miyonik kristyano, kʼuman ja artikuloʼik «¿Bʼa jas modo wa skoltayotik ja Jesús?» sok «¿Jas yuj yiʼaj wokol sok cham ja Jesús?» ma kʼela ja bideo ¿Jas yuj cham ja Jesús?