«Ja chamel bʼa pensar jelxa ipaxitaʼel sbʼaja keremtik akʼixuk sok ti chʼikan ja jastik wa spuku ja redes sociales» (Vivek Murthy, director general bʼa Salud Pública bʼa Estados Unidos. New York Times, 17 bʼa junio bʼa 2024).

 ¿Jastal oj bʼobʼ skoltay ja yuntikil ja nantatalik sbʼaja jas wa spuku ja redes sociales? Ja Biblia wa xyaʼa rasonik jel xkoltani.

 La kiltik ja rasonik it bʼa Biblia.

 «Ja maʼ wa snaʼa kʼinali wa spensaraʼan jujune ja xeteʼik wa xyayiʼi» (Proverbios 14:15).

 Yuja jel xiwela sbʼaj ja jas wa x-ilxi ja bʼa redes sociales, mokni apensaraʼuk ke tʼilan oj syam-e. Pe bʼajtantoyuj oja wakan oj syam-e ja redes sociales, ila ta takʼanexa bʼa oj skis-e ja oraʼik waxa wayile, bʼa oj stalnay sbʼaje soka matik wa smojtayi sok bʼa aya skuidadoʼe soka jas wa xyiʼajan bʼa mi lekuki.

•   Ta waxa kʼana oja naʼ mas, kʼela ja artikuloʼik «¿Deberían mis hijos usar redes sociales?» sok «Enséñele a su hijo adolescente a usar con seguridad las redes sociales».

 Nochowik «yajel makunuk lek ja tyempo ja janekʼ wa xbʼobʼi» (Efesios 5:16).

 Ta waʼakan jawa wuntikil a-syam-e ja redes sociales, alayabʼ janekʼ tyempo oj yawe amakunuk sok cholo yabʼye jastal oj koltajuke. Ajyan altanto soka smodoʼe bʼa bʼobʼta tʼilan oja timyi yajel makunuk ja redes socialesi.

•   Amakunuk ja bideo Talnabʼaj ja yajni waxa leʼa wamigoʼik bʼa Internet bʼa skoltajel jawa wuntikil bʼa oj yabʼye stojol jas yuj lom wana stimjel.

 Ja Biblia wa xyala aytik sakʼan bʼa «tyempoʼik jel wokol sok mi pasiluk oj kuchkujtik» (2 Timoteo 3:1-5). Pe chomajkil wa xyaʼa rasonik bʼa tolabida wa xmakunikujtik sok wa skoltayotik bʼa oj jnebʼtik jastal stalnajel jbʼajtik. Wa skʼapakitik rasonik bʼa wa xya kulan jkʼujoltik. Oja taʼ jun lista bʼa mas ja 20 artikuloʼik sok bideoʼik bʼa ti elel bʼa Biblia sbʼaja nantatalik soka untiki jun kerem bʼa 20 jabʼil lek ay lek ja spensari.