Ja jel stuchʼil xyabʼ june: jun wokol wanxta ipaxel | ¿Jasa wa xyala ja Biblia?
Jastalni kʼulaxel jun estudio bʼa yibʼanal ja luʼumi, a june bʼa kada chane kristyano jel stuchʼil xyabʼ ay.
«Ja spiljelabʼaj soka tuk wani xbʼobʼ sjom chikan machʼa, chikan janekʼ sjabʼil sok chikan bʼa lugar» (Chido Mpemba, copresidenta de la Comisión de la Organización Mundial de la Salud sobre Conexión Social).
Chamni yabʼjel, ja jel stuchʼil xyabʼ june mini kechan wa sjomo ja matik ayxa skʼujoli ma ja matik jel najat aye, cha wani sjomo ja keremtik akʼixuk, matik lek aye, nupanumik ma lek wan ekʼelyujile. Ja spiljel sbʼaj june sok ja jel stuchʼil xyabʼ june wani xbʼobʼ ya maloʼaxukotik sok sjomjel ja jastal wa xkabʼ ayotiki.
«Ja jel stuchʼil ay xyabʼ june mini kechan malo wa xyabʼ ay [...]. Jelni xiwela sbʼaj oj chamuk jastalni ja maʼ wa snukʼu 15 may ja kʼakʼu» (Vivek Murthy, director general de Salud Pública de Estados Unidos).
Ja jas wa xyala ja Biblia
Ja jKʼulumantiki mi skʼana oj pil jbʼajtik. Ja Dyos tolabida skʼanunej ke oj ajyuk lekil kamigotik bʼa yajel ekʼ jun rato gusto soka yeʼnle.
Teksto bʼa Biblia: «[Ja] Dyos yala: ‹Mini lekuk ja stuchʼilto oj ajyuk ja winiki›» (Génesis 2:18).
Ja Dyosi wa skʼana oj kamigoʼuktik. Ja yeʼn wa skʼapa oj mojxuk jmoktik ta ja keʼntik wa xkʼujolantik bʼa mojxel soka yeʼn (Santiago 4:8).
Teksto bʼa Biblia: «Jel gusto wa x-ajyiye ja matik tʼabʼan skʼujole bʼa tʼilan oj snebʼ-e sbʼaja Dyosi, yujni yeʼn sbʼaje ja Gobyerno bʼa satkʼinali» (Mateo 5:3).
Ja Dyosi wa skʼana oj kaʼteltaytik lajan soka tuki. Yajni jach wa xkʼulantiki, mas gusto wala ajyitik.
Teksto bʼa Biblia: «Altantoxta la ajyukotik soka tuki bʼa oj snikotik sjejel jbʼajtik syajal jkʼujoltik sok skʼulajel jastik lek, pe mokni katikan stsomjel jbʼajtik [...]. Mas lek, la jtsatsankʼujoluk jbʼajtik» (Hebreos 10:24, 25).
Ta waxa kʼana oj naʼ mas jas yuj jel tʼilan skʼulajel luchar ja jtuchʼil xkabʼ ayotiki, kʼuman ja artikulo «Soledad en la era de la comunicación».
a Yaʼunej eluk ja The Global State of Social Connections (Estado de las conexiones sociales en el mundo), yuja Meta sok Gallup, 2023.