•   «Tʼusan mi snalanuk ja matik ayxa skʼujol ja bʼa Estados Unidos wa xyalawe ke jel stuchʼil xyabʼ aye. Ja matik mas jach wa xyabʼyeʼi jani ja keremtik akʼixuk» (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Informe de la máxima autoridad en salud pública de Estados Unidos sobre la soledad y el aislamiento], 2023).

•   «[Ja OMS] yalunej ke sleʼunej jun tsome kristyano bʼa wa skoltaye ja jas oj skʼuluke ja matik jel stuchʼil xyabʼ ayeʼi pes yujni jel xiwela sbʼaj ja bʼa jsakʼaniltiki, wani xmonwani bʼa yajelyi mas stʼilanil bʼa smojtajel ja tuki sok bʼa slejel modo bʼa jastal koltanel bʼa yibʼanal ja paisiki sea ta ay stakʼine ma pobreʼe» (Organización Mundial de la Salud, 15 bʼa noviembre bʼa 2023).

 Ja Biblia wa xyaʼa lekil rasonik bʼa oj nebʼtik jastal smojtajele ja tuki bʼa jun modo lek.

 Akan skʼulajel ja jastik wa spilawa soka tuki. Ja bʼa jastik it tey ja jelxelxa yajel makunuk ja redes sociales. Jaʼuktoma oja kʼuluk ja jaw, kʼulan jastik bʼa oj bʼobʼ wa ekʼ tyempo soka tuk sok slejel lekila wamigoʼik.

•   Rason bʼa Biblia: «Jun mero amigo wa xyajtani spetsanil tyempo sok kʼotel juna wermano ja bʼa styempoʼil wokoli» (Proverbios 17:17).

 Leʼa ekʼeleʼik bʼa skoltajel ja tuki. Skʼulajelyi jastik lek ja tuki wani xya ajyan mas kʼubʼan sok wa xkabʼtik mas lek wala taxtik sok mas gusto.

•   Rason bʼa Biblia: «Masni wa xyaʼa gustoʼil ja yajeli ke yuja oj ajukawiʼi» (Hechos 20:35).

 Ta waxa kʼana oja naʼ pilan rasonik wa xyaʼa ja Biblia bʼa stajel lekila wamigoʼik, ochan ja bʼa jsitiotikon bʼa Internet.