¡AJYANIK K’ELAN JAKAN!
Terremotoʼik bʼa jel yixtalan ja Turquía sok ja Siria | ¿Jasa wa xyala ja Biblia?
Ja lunes 6 bʼa febrero bʼa 2023, ekʼ jun tsatsal terremoto ke jel yixtalan ja Turquía sok ja Siria.
«Ja lunes, ekʼ jun tsatsal terremoto ke smila mas ja 3,700 kristyano bʼa jitsan lugar ja bʼa Turquía sok ja bʼa noroeste bʼa Siria. Ja it ekʼ ja bʼa styempoʼil jel ja cheʼe bʼa mastoni ipaxi ja swokol jitsan kristyano ke yajbʼel kanye ma chʼay ja snajeʼi. Ja bʼa tyempo it jel ja cheʼe mastoni jel wokol slejel ja matik kanye sakʼan ja bʼa terremoto» (Reuters, 6 b’a febrero b’a 2023).
Tristeni yabʼjel ja desgrasyaʼik jastal it. Ja bʼa ekʼeleʼik jaw, ojni bʼobʼ jletik ja skoltanel ja Jyoba, ke yeʼn «ja Dyos maʼ wa xyayi kulan skʼujol ja kristyano bʼa tuktukil wokol» (2 Corintios 1:3). Ja yeʼn wani skʼulan «bʼa jachuk [...] ja Yabʼal ja Dyosi ojni ajyukujtik smajlajel» (Romanos 15:4).
Ja bʼa Biblia, wa xnebʼatik ja jas ti nochani:
Ja jas alubʼalxakan sbʼaja terremotoʼik.
¿Bʼa oj bʼobʼ ta jkoltajeltik sok jun smajlajel?
Ja jas oj skʼuluk ja Dyos bʼa oj xchʼay snajel spetsanil ja wokol.
Ta waxa kʼana oja naʼ ja jas wa xyala ja Biblia sbʼaja temaʼik jaw, kʼuman ja artikulo it:
a Ja Dyosi sbʼiʼil Jyoba (Salmo 83:18).
Bʼobʼta cha ojni akʼul gusto
SJOBʼJELIK SBʼAJA BIBLIA
¿Oj maʼ bʼobʼ jtaʼ jkoltajel ja bʼa Biblia?
Jitsan kristyano wan ekʼel sbʼaje tsatsal wokolik sok pensarik bʼa mi xtulwani, sok staʼuneje skoltajele ja bʼa Biblia.
ESSENTIAL BIBLE TEACHINGS
¿Jas yuj ja Dyos wanto yajelkan aʼekʼuk wokolik?
Jitsan wa sjobʼo sbʼaje jas yuj ja luʼumkʼinal bʼutʼel ilkʼujolanel sok wokol. Ja Biblia wa xyakitik jun sjakʼjel bʼa wa xyaʼa kulan jkʼujoltik sok jun smajlajel.
