Ja wokolik soka tak’in | ¿Jasa oj skʼuluk ja sGobyerno ja Dyos?
B’a jitsan kristyano b’a yib’anal ja lu’um, jelni wokol xyab’ye stajel ja tak’in wa xmakuniyujile, sok wanxta ipaxel ja jastal wa xtaxye’i.
Jastalni wa xyala jun imporme b’a ajk’achto eli, a b’a sutanal ja lu’umi «jel wego ko’el ja janek’ wa xtupjiye b’a kada ixaw». Sok ta mi jas xk’ulaxi, ojni «ipaxuk ja jastal mi junxta wa xyila sb’aje» sok ojni ko’uk «ja jastal lek wa xtax ja sak’anile jitsan a’tijumik sok ja b’a spamilya’e».
¿Oj ma’ lajxukyujile stojb’esel ja gobyerno’ik ja wokolik soka tak’ini? Sok ¿oj ma’ bʼobʼ xch’aye el snajel?
Ja Biblia wani sta’a ti’al b’a jun gobyerno b’a wa xb’ob’ stojb’es yib’anal ja wokolik sb’aja tak’in, b’a tini ch’ikan ja jastal mi junxta wa xyila sb’aje. Wa xyala ke «ja Dyos bʼa satkʼinal oj ya kujlajuk jun gobyerno», sok kechantani ye’n oj ya’ ja jas oj makunuk ja b’a Lu’umi (Daniel 2:44). Ja gobyerno jaw mini ma’ menos oj yile sok mini ma’ oj yakan stuch’il (Salmo 9:18). Ja sGobyerno ja Dyosi ye’nani oj yil b’a oj ajyukyujile ja jas wa xmakuniyujile ja matik oj ajyuke ja b’a sGobyerno. Spetsanile oj ajuk ko’ slekilale yuja tsatsal ya’tele (Isaías 65:21, 22).
a Informe mundial sobre salarios 2022-2023, ja b’a Organización Internacional del Trabajo.