¡AJYANIK K’ELAN JAKAN!
Ja junxta oj yil sbʼaje ja rasaʼik: ¿Kechanta maʼ jun wayichal? | ¿Jasa wa xyala ja Biblia?
Bʼa jitsan kristyano, ja junxta oj yil sbʼaje ja rasaʼik kechantani jun wayichal.
«Ja wan ita stsawaniye wantoni sjomjel ja institusyonik, ja jastal wa xyila sbʼaje ja kristyano sok ja sakʼanile bʼa kada kʼakʼu. Yuja modoʼal jaw jani wa x-ikʼwani bʼa mi lek oj yil sbʼaje ja kristyano» (António Guterres, secretario general de las Naciones Unidas).
¿Oj maʼ kʼotuk ja styempoʼil bʼa junxta oj yil sbʼaje ja rasaʼiki? ¿Jasa wa xyala ja Biblia?
Ja jastal wa xyila ja Dyos sbʼaja junxta oj yil sbʼaje ja rasaʼiki
Ja Biblia wa xcholo ja jastal wa xyila ja Dyos ja kristyanoʼik bʼa tuktukil rasa.
«[Ja Dyosi] bʼa jun ita winik skʼulan yibʼanal ja chonabʼiki bʼa oj sbʼutʼe yibʼanal ja luʼumi» (Hechos 17:26).
«Ja Dyosi mini june maʼ menos wa xyila, wani skʼulan aseptar ja matik wa xiwyeyuji sok wa skʼulane ja bʼa jas leki, chikan bʼa xchonabʼeʼa» (Hechos 10:34, 35).
Ja Biblia wa xyala ke spetsanil ja kristyano jun ita pamilya kʼotele sok ja Dyos wani skʼulan aseptar chikan jas rasa.
Ja jastal oj lajxuk ja junxta oj yil sbʼaje ja rasaʼiki
Ja sGobyerno ja Dyos, jun gobyerno ke tey bʼa satkʼinal, oj lajxukyuj bʼa junxta oj yil sbʼaje ja rasaʼiki. Ja gobyerno jaw oj sjeyi ja kristyano jastal lek oj yil sbʼaje. Ja kristyano oj snebʼ-e ja jastal oj yawekan ja wan ita stsawaniye.
«Ja swinkil ja luʼumi oj snebʼ-e ajyel toj» (Isaías 26:9).
«Ja jasa oj yijan ja meran stojolili jani ja lamanili, sok ja satinel ja meran stojolili jani mi jas oj cham jkʼujoltik sok mi oj xiwkotik bʼa tolabida» (Isaías 32:17).
Ja bʼa jtyempotiki, miyonik kristyano wanexa snebʼjel ja bʼa Biblia jastal oj skʼuluke respetar ja tuk sok bʼa jun modo stojol.
Ta waxa kʼana oja naʼ mas, kʼuman ja rebista ¡Despertad!, ja yolomajel «¿Tiene cura el prejuicio?».
Nantatalik, bʼa oja naʼex jastal oj bʼobʼ loʼilananik soka wuntikilex sbʼaja tema it, kʼumanik ja artikulo «¿Cómo hablar con sus hijos sobre el racismo?».
Bʼobʼta cha ojni akʼul gusto
ESSENTIAL BIBLE TEACHINGS
¿Jasunkiluk ja sGobyerno ja Dyosi?
Ja bʼa aʼtelik skʼulan ja Jesús, jani mas waj skʼujol sjejel sbʼaja sGobyerno ja Dyosi yuj chikan jasa.
JA BIBLIA STUKBʼES JA SAKʼANILE
Wanon lucha ajyi soka jastik b’a mi tojuk
Ja Rafika xchʼika sbʼaj bʼa jun kʼole ixuk winik bʼa xchʼayjel snajel ja jastik mi tojuki. Tsaʼan kʼot snaʼ ja kʼapjelal wa xyaʼa ja Biblia bʼa wa xyala ja sGobyerno ja Dyos oj yijan lamanil sok bʼa akʼulaxuk ja bʼa toji.
SBʼAJA KEʼNTIKONI
Kʼana maʼ oj yulataya
Naʼa ja sjakʼjel bʼa jun sjobʼjel bʼa Biblia ma naʼa sbʼaj mas ja testigoʼik bʼa Jyoba.
