Mateo 1:1-25
1 Jaʼ it ja libro wa staʼa tiʼal* sbʼaja sakʼanil ja Jesukristo,* yintil* ja David sok yintil ja Abrahán.
2 Ja yunin ja Abrahán jaʼa Isaac;ja yunin ja Isaac jaʼa Jacob;ja yunin ja Jacob jaʼa Judá soka yermanoʼiki;
3 ja yunin ja Judá jaʼa Pérez sok ja Zérah (ja snaneʼi jaʼa Tamar);ja yunin ja Pérez jaʼa Hezrón;ja yunin ja Hezrón jaʼa Ram;
4 ja yunin ja Ram jaʼa Aminadab;ja yunin ja Aminadab jaʼa Nasón;ja yunin ja Nasón jaʼa Salmón;
5 ja yunin ja Salmón jaʼa Boaz (ja snani jaʼa Rahab);ja yunin ja Boaz jaʼa Obed (ja snani jaʼa Rut);ja yunin ja Obed jaʼa Jesé;
6 ja yunin ja Jesé jaʼa rey David.Ja yunin ja David jaʼa Salomón (ja snani jaʼa xcheʼum ja Urías);
7 ja yunin ja Salomón jaʼa Rehoboam;ja yunin ja Rehoboam jaʼa Abías;ja yunin ja Abías jaʼa Asá;
8 ja yunin ja Asá jaʼa Jehosafat;ja yunin ja Jehosafat jaʼa Jehoram;ja yunin ja Jehoram jaʼa Uzías;
9 ja yunin ja Uzías jaʼa Jotán;ja yunin ja Jotán jaʼa Acaz;ja yunin ja Acaz jaʼa Ezequías;
10 ja yunin ja Ezequías jaʼa Manasés;ja yunin ja Manasés jaʼa Amón;ja yunin ja Amón jaʼa Josías;
11 ja yunin ja Josías jaʼa Jeconías soka yermanoʼiki, ja yeʼnle pojkiye* yajni ojxa ijuke och ja bʼa Babilonia.
12 Ja yunin ja Jeconías jaʼa Sealtiel, ja yeʼn pojki yajni ijiyeta och ja bʼa Babilonia;ja yunin ja Sealtiel jaʼa Zorobabel;
13 ja yunin ja Zorobabel jaʼa Abiud;ja yunin ja Abiud jaʼa Eliaquim;ja yunin ja Eliaquim jaʼa Azor;
14 ja yunin ja Azor jaʼa Sadoc;ja yunin ja Sadoc jaʼa Aquim;ja yunin ja Aquim jaʼa Eliud;
15 ja yunin ja Eliud jaʼa Eleazar;ja yunin ja Eleazar jaʼa Mattán;ja yunin ja Mattán jaʼa Jacob;
16 ja yunin ja Jacob jaʼa José, ja xcheʼum ja José jaʼa María, bʼa ti pojki ja Jesús, ja maʼ wa xyawe sbʼiʼiluk Kristo.
17 Ja yuj, bʼa yibʼanale, man Abrahán masan bʼa David ajyi 14 lame kristyano, man David masan ijiye och bʼa Babilonia ajyi 14 lame kristyano sok man ijiye och bʼa Babilonia masan bʼa styempo ja Kristo ajyi 14 lame kristyano.
18 Sok jach pojki ja Jesukristo: ja snani, ja María, yalata oj nupanuk soka José, pe bʼajtanto oj nupanuke kan embarazada yuja yip ja Dyosi.*
19 Ja statam* ja María, ja José, jun tojil winik sok mi skʼana oj yiʼ kʼixwel ja María bʼa stiʼ sat ja tuki. Ja yuj spensaraʼan oj skʼuts nakʼul ja snupaneli.
20 Pe yajni spensaraʼanta jachuki, ¡kʼelawik!, ja yanjel ja Jyoba* sjeʼa sbʼaj soka José bʼa jun wayichal sok yala yabʼi: «José, yunin ja David, mok xiwan oja wiʼoch bʼa wa naj jawa cheʼum María, yujni ja yal kerem akʼubʼal bʼa yojoli jani yuja yip ja Dyosi.*
21 Ja yeʼn oj ajyukyuj jun yal skerem, sok oj wa sbʼiʼiluk Jesús* yujni yeʼn oj ya el libre ja xchonabʼ ja bʼa smuleʼi».
22 Spetsanil ja it chʼakni ekʼuk bʼa oj kʼotuk ja jas ya ekʼyi ja Jyoba* ja yalumani yajni yala:
23 «¡Kʼelawik! Ja soltera oj kan embarazada sok oj ajyukyuj jun yal skerem, sok oj yawe sbʼiʼiluk Emmanuel», ja sutubʼali wa stojolan «tey jmoktik ja Dyosi».
24 Yajni yaʼa sbʼaj* ja José, skʼulan ja jas aljiyabʼ yuja yanjel ja Jyoba* sok yiʼaj och bʼa snaj ja xcheʼumi.
25 Pe mini staʼa sbʼaj soka María manto ajyiyuj ja yal skeremi. Jaxa José ya sbʼiʼiluk Jesús.
Notaʼik
^ Ma «lame intilal».
^ Ma «Mesías», «ja Maʼ tsaʼubʼal».
^ Jach kanel ja bʼa griego: «yunin».
^ Ma «manxiye».
^ Ma «espíritu santo». Ja bʼa griego, pnéuma. Kʼela ja bʼa Yaljelik cholubʼal, Rúaj; Pnéuma.
^ Ja bʼa skostumbre ja judíoʼiki, yajni jun ixuk yalata oj nupanuksok jun winik, wanxa x-alxi statamxa.
^ Ja it jaʼa sbʼajtanil ekʼele wa xtax ja sbʼiʼil ja Dyos, ja Jyoba, ja bʼa 241 ekʼele wa xtax ja bʼa bersikuloʼik ja bʼa Yabʼal ja Dyos Tsʼijbʼunubʼal bʼa Griego ja bʼa Biblia it. Kʼela ja bʼa Yaljelik cholubʼal.
^ Ja bʼa griego, pnéuma. Kʼela ja bʼa Yaljelik cholubʼal, Rúaj; Pnéuma.
^ Ja bʼiʼilal it ja bʼa hebreo kanel jastal Jesúa, ma Josué, sok wa stojolan ‹ja Jyoba yeʼn koltanum›.
^ Kʼela ja bʼa Yaljelik cholubʼal.
^ Ma «yabʼ sbʼaj».
^ Kʼela ja bʼa Yaljelik cholubʼal.
