Romanos 16:1-27
-
Ja Pablo wa skʼulan presentar ja Febe, jun yaʼtijum Dyos (1, 2)
-
Wa sjekayi skoltanel ja snochumanik Kristo bʼa Roma (3-16)
-
Wa x-aji julskʼujole bʼa aya skuidadoʼe soka matik wa xpilwaniyeʼi (17-20)
-
Ja skoltanumik aʼtel ja Pablo wa sjekawe koltanel (21-24)
-
Chiknajita ja jas jel chaʼanyabʼal jakel bʼa Dyosi (25-27)
16 Wa xkʼulanawilex presentar ja kermanatik Febe, ja yeʼn wan koltanel ja bʼa kongregasyon tey bʼa Cencreas,
2 bʼa oja kʼulex resibir gustoxta ja bʼa sbʼiʼil ja Kajwaltiki bʼa jun modo jastal waxa kʼulanex resibir ja matik tsaʼubʼalexa sbʼaja Dyosi* sok bʼa oja koltayex ja bʼa jas wa xmakuniyuji, yujni ja yeʼn jelni jitsan maʼ skoltunej,* sok cha skoltunejon ja keʼni.
3 Tixa wawexkiyi skoltanel ja Prisca* soka Áquila, ja jmojik aʼtel bʼa Kristo Jesús,
4 ja matik puesto yaʼa ja sakʼanile yuj keʼna ama chikan jas x-ekʼ sbʼaje, sok yibʼanal ja kongregasyon bʼa tuk chonabʼik sok ja keʼn wa xkatikonyile tsʼakatal.
5 Cha awikyi skoltanel ja kongregasyon tey bʼa snajeʼi. Cha awikyi skoltanel ja Epéneto, ja maʼ jel xyajtayi, bʼa kʼotel june ja bʼajtan snebʼumanik ja Kristo ja bʼa Asia.
6 Awikyi skoltanel ja María, ja maʼ jelni kongana aʼtel yuj weʼnlexi.
7 Awikyi skoltanel ja Andrónico sok ja Junias, ja matik jpamilyaʼeto sok jmojik preso. Ja yeʼnleʼi wani xnaji sbʼaje lek yuja jekabʼanumiki sok masni jitsanxa tyempo lajan aye soka Kristo ke yuja keʼni.
8 Tixa wawexkiyi skoltanel ja Ampliato, ja maʼ jel xyajtayi, ja yeʼn cha kʼotel jun snochuman ja Kajwaltiki.
9 Awikyi skoltanel ja Urbano, ja jmojtik aʼtel bʼa Kristo, sok ja Estaquis, ja maʼ jel xyajtayi.
10 Awikyi skoltanel ja Apeles, ja maʼ lek ilubʼal yuja Kristo. Awikyi skoltanele ja matik tey bʼa snaj ja Aristóbulo.
11 Awikyi skoltanel ja Herodión, ja maʼ jpamilyato. Awikyi skoltanel ja matik tey bʼa snaj ja Narciso, ja matik snochumane ja Kajwaltiki.
12 Awikyi skoltanele ja Trifena soka Trifosa, ixuke bʼa kongana wane aʼtel sbʼaja Kajwaltiki. Awikyi skoltanel ja Pérsida, ja maʼ jel xyajtaytiki, yujni ja yeʼn jel aʼtel juntiro sbʼaja Kajwaltiki.
13 Awikyi skoltanel ja Rufo, ja maʼ tsaʼubʼal sbʼaja Kajwaltiki, cha jachuk ja snani, bʼa kʼotelni jastal jnan.
14 Awikyi skoltanel ja Asíncrito, ja Flegonte, ja Hermes, ja Patrobas, ja Hermas sok ja hermanoʼik matik teye soka yeʼnleʼi.
15 Awikyi skoltanel ja Filólogo soka Julia, ja Nereo sok ja yermana sok ja Olimpas. Sok cha jachuk yibʼanal ja matik tsaʼubʼalexa sbʼaja Dyos b’a teye soka yeʼnle’i.
16 Kʼulanabʼajik saludar sok jun ujtsʼanel. Cha wa sjekawe akoltanelex yibʼanal ja kongregasyonik bʼa Kristo.
17 Kermano jumasaʼ, ja wego wa xpata lek akʼujolex aʼa kuidadoʼex soka matik wa xpilwaniye sok wa xyaʼawe lok okil bʼa kontra ay soka sjejelika nebʼunejexi, sok aktayikan ja yeʼnleʼi.
18 Ja winike jastal yeʼnleʼi mini kʼoteluke mosoʼil sbʼaja Kajwaltik Kristo, jani sbʼaja jas wa skʼanaweʼi.* Soka jastal tsamalxta wa xkʼumaniye sok wa xtoywaniyeʼi wa smonowe skʼujol ja matik mi jas malo spensareʼi.
19 Ja jastal jel kʼuʼabʼalexi naka yabʼyeta ja tuki, jaxa keʼni jelni gustoʼayon yuj weʼnlex. Pe wani xkʼana bibo ajyanik sbʼaja jas leki sok mi jaʼuk listo oj ajyanik sbʼaja jas malo.
20 Pe jaxa Dyos ma’ wa xya’a lamanili ojxtani stʼen b’a yibʼa wokex ja Satanás. Aʼajyuka mokex ja lekil skʼujol mi xbʼajintik ja Kajwaltik Jesusi.
21 Wa sjeka akoltanelex ja Timoteo, ja jkoltanum aʼteli. Cha wa sjeka akoltanelex ja Lucio, ja Jasón sok ja Sosípatro, ja matik jpamilyaʼeto.
22 Ja keʼn, ja Tercio, bʼa keʼn jtsʼijbʼan ja karta it, wa xjeka akoltanelex bʼa sbʼiʼil ja Kajwaltiki.
23 Wa sjeka akoltanelex ja Gayo, ja maʼ yaʼunejki majan ja snaji sok cha yaʼunejyi yibʼanal ja kongregasyoni. Cha wa sjeka akoltanelex ja Erasto, ja maʼ kajan sbʼaj yiljel ja takʼin bʼa chonabʼi,* sok ja yermano Cuarto.
24 *
25 Ja Dyosi wani xbʼobʼ ya ajyanik yij. Ja it akuerdoni ay soka lekil rasonik wa xcholoʼi sok ja jas cholxi sbʼaja Jesukristo. Ja lekil rasonik it akuerdoni ay soka jas yaʼunej chiknajuk ja jas jel chaʼanyabʼal jakel bʼa Dyos* bʼa jitsanxa tyempo nakʼan ajyel,
26 pe ja wego ajita chiknajuk. Sok stsʼakatal ja jastik tsʼijbʼubʼalkan oj ekʼuki, snebʼaweta yibʼanal ja chonabʼik ja jas jel chaʼanyabʼal jakel bʼa Dyosi.* Ja it akuerdoni ay soka smandar ja Dyos ja maʼ sakʼan ay bʼa tolabida bʼa jachuk oj skʼuʼuke bʼa yeʼna sok oj ajyuke kʼuʼabʼal.
27 Stsʼakatal ja Jesukristo, ayiʼ stoyjel bʼa tolabida ja Dyosi, ja maʼ kechan jel bibo. Amén.
Notaʼik
^ Ma «bʼa jun modo ja matik tsaʼubʼalexa sbʼaja Dyosi wa skʼulane resibir ja tuki».
^ Ma «stalnunej».
^ Cha wa sbʼiʼilan Priscila.
^ Ma «sbʼaja slukumeʼi».
^ Ma «ja smayordomoʼil ja chonabʼi».
^ Ja bersikulo it wani xtax bʼa jujuntik Biblia, pe meyuk ja bʼa jitsan poko juʼunik jel chaʼanyabʼalil tsʼijbʼunubʼal bʼa griego.
^ Kʼela ja bʼa Yaljelik cholubʼal, Ja jas jel chaʼanyabʼal wa xjak bʼa Dyosi.
^ Kʼela ja bʼa Yaljelik cholubʼal, Ja jas jel chaʼanyabʼal wa xjak bʼa Dyosi.
