29 bʼa julio man 4 bʼa agosto
SALMO 69
Tsʼebʼoj 13 sok orasyon | Yaljelik bʼa skʼeʼulabʼil (1 min.)
1. Ja Salmo 69 yalaxakan ja jastik oj ekʼuk ja bʼa sakʼanil ja Jesús
(10 min.)
Ja Jesús mini tʼun sbʼejuk ja ilkʼujolaji (Sl 69:4; Jn 15:24, 25; w11 15/8 slam 11 par. 17).
Ja Jesús ayiʼoj jun niwan yajalkʼujol sbʼaja snaj ja Jyoba, wa xkʼan alxuk, sbʼaja meran stoyjeli (Sl 69:9; Jn 2:13-17; lfb slam 180, 181).
Ja Jesús jelni chamkʼujol ajyi sok mas tsaʼan kʼapjiyi vino sokan sok kʼajal kʼulik (Sl 69:20, 21; Mt 27:34; Lu 22:44; Jn 19:34; g95 22/10 slam 31 par. 4; it-2 slam 669).
BʼA SPENSARAJEL: ¿Jas yuj ja Jyoba yaʼakan ke atsʼijbʼajukan jujuntik jasunuk oj ekʼ sbʼaj ja Mesías ja bʼa Yabʼal ja Dyos Tsʼijbʼunubʼal bʼa Hebreo?
2. Leʼa jastik chaʼanyabʼal sbʼa Dyos
(10 min.)
-
Sl 69:30, 31. ¿Jastal wa skoltayotik ja bersikulo it bʼa oj tojbʼestik mas ja korasyontiki? (w99 15/1 slam 18 par. 11).
-
Ja bʼa skʼumajel ja Biblia bʼa semana it, ¿jastik chaʼanyabʼal ataʼa?
3. Skʼumajel ja Biblia
(4 min.) Hch 6:1-15 (th spaklajel 2).
4. Aʼajyuka pasensya: Ja jas skʼulan ja Jesús
(7 min.) Loʼil sok jujuntik sjobʼjel. Jeʼa ja BIDEO sok tsaʼan paklayik ja poyeto Yajtay ja kristyano sjejel 8 puntoʼik 1-2.
5. Aʼajyuka pasensya: Nocho ja Jesús
(8 min.) Loʼil sok jujuntik sjobʼjel elel bʼa poyeto Yajtay ja kristyano sjejel 8 puntoʼik 3-5 sok «Cha kʼela».
Tsʼebʼoj 134
6. Jasa tʼilan oj aʼtijuk ja kongregasyon
(5 min.)
7. Modoʼik bʼa yabʼjel stsamalil ja tsomjelal bʼa pamilya
(10 min.) Loʼil sok jujuntik sjobʼjel.
Ja bʼa enero bʼa 2009, tsaxi ke ja Spaklajel ja Biblia soka kongregasyon oj kʼulaxuk lajan soka Eskuela bʼa Matik wa xCholo sok ja Tsomjel sbʼaja Kaʼteltiki bʼa junxta kʼakʼu ja bʼa semana. Ja it ojni koltajuke ja pamilyaʼik bʼa oj spile jun ochkʼakʼu ma ja bʼa akwal ja bʼa semana bʼa oj bʼobʼ ajyukyujile ja stsomjele bʼa pamilya. Jitsan jelni yaʼuneje tsʼakatal yujni ja jas tsaxi koltubʼale bʼa oj mojxuke mas soka Jyoba sok bʼa ajyele mas tsoman (Dt 6:6, 7).
Ta ja weʼn olomala bʼa pamilya, ja modoʼik ti nochani oj skoltaya bʼa jachuk apetsanilex oja wabʼyex stsamalil ja bʼa ekʼele jaw:
-
Kʼulan tikʼan. Ta wa xbʼobʼi, akujlajuk jun skʼakʼujil sok jun yoraʼil ja bʼa semana, sok aʼajyuk jun plan B ta ja bʼa kʼakʼu jaw ay jas ekʼ bʼa mi waxa majlay.
-
Chapa ja jas oja paklayex lajani. Kʼanayi jujuntik sujerencia jawa cheʼumi sok bʼa jujuntik ekʼele jawa wuntikili. Mini tʼilanuk jel oja pilyi tyempo ja bʼa xchapjeli, mastoni ta ja pamilya wa xyiʼaj gusto skʼulajel ja junxta aʼtelik bʼa kada semana.
-
Kʼulan jawa programa soka bʼa jastal wa xtax jawa pamilya. Yajni wan kʼiʼel jawa wuntikili, wani xtukbʼi ja snesesidaʼe sok ja jastik wa snaʼawe. Ja jas oja paklayexi tʼilani oj skoltay kada jujune ja bʼa pamilya bʼa oj kʼiʼuke ja bʼa yaʼteltajel ja Dyosi.
-
Kʼulanabʼaj asegurar ke tsamal sok lek oja wawex ekʼuk. Ayni ekʼele oj bʼobʼa kʼulukex estudiar bʼa jaman kʼinal ta lek wa xtax ja tyempo. Chomajkil, ojni bʼobʼ jijlanik jutsʼin. Ama jelni lek loʼilanel bʼa jastik junuk wa x-ekʼ ja bʼa pamilya, pe mokni wa makunuk ja ekʼele jaw bʼa oj utanan ma oj tojwanan.
-
Kʼulan tuktukil jasunuk. Jun sjejel, ojni bʼobʼa chapabʼajex bʼa jun parte ja bʼa reunión, skʼeljel sok spaklajel jun bideo ja bʼa jw.org sok skʼulajel ensayar ja jas oja walex ja bʼa xcholjeli. Ama ja jas mas tʼilan ja bʼa tsomjelal bʼa pamilya jani ke awibʼanalex oja paklayex temaʼik bʼa Biblia, cha ojni bʼobʼa pilex tyempo bʼa jachuk kada jujune oja paklayex jach atuchʼilex.
Jobʼo:
-
¿Jas akʼulunej bʼa yajel makunuk ja modoʼik it ja bʼa wa tsomjelal bʼa pamilya?
8. Spaklajel ja Biblia soka kongregasyon
(30 min.) bt kap. 13 par. 8-16 sok recuadro bʼa slam 105.
