Yibʼanal ja nantatalik wani skʼanawe ja yuntikile akʼot yaʼteltaye toj lek ja Jyoba. Wani xbʼobʼ skoltaye ta skʼujolane sjejelyile ja jastik bʼa Biblia man yal xchʼinile sok kʼotel man skʼujole (Dt 6:7; Pr 22:6). Ja it wokolniʼa, pes wani xchʼaka sbʼaj june, pe mi jun aʼtel lomuk (3Jn 4).

Ja nantatalik jel jitsan ja jastik wa xbʼobʼ snebʼ-e sbʼaja José sok ja María. Ja yeʼnle kʼajyel wa xwajye «cada jabil ja ba stiempo» ja kʼin bʼa Pascua, ama wajel man tiw wa xyaʼa yajtikil sok wa xyiʼaj takʼin (Lu 2:41). Ja José sok ja María yaʼaweyi stʼilanil soka spamilya bʼa ajyel kʼubʼan soka Dyos. Ja bʼa jtyempotiki, ja nantatalik cha wani xbʼobʼ stoj ja yuntikile ja bʼa bʼej tʼilan oj yiʼe ta skʼujolane sjejelyile soka smodoʼe soka jas wa xyalawe (Sl 127:3-5).

YAJNI ILXITA JA BIDEO MINI TʼUN XCHʼAYAWE TYEMPO, AYI SJAKʼJEL JA SJOBʼJELIK IT:

• Malan wane kʼiʼel ja yuntikil ja Jon sok ja Sharon Schiller, ¿jastal yaʼawe bʼajtan bʼej ja jastik bʼa Dyosi?

• ¿Jas yuj ja nantatalik tʼilan tuktukil modo oj sjeʼeyi sok oj stoj-e ja yuntikile?

• ¿Jastal oj bʼobʼ skoltay ja yuntikil ja nantatalik bʼa oj kuchyujile ja wokolik sok ajyel toj soka Dyos?

• Ja bʼa tuktukil yamkʼabʼal yiʼoj ja xchonabʼil ja Jyoba, ¿bʼaya wana yajel makunuk ja weʼn bʼa skoltajel jawa wuntikil oj kʼotuke lekil yamigoʼe ja Jyoba?