JAS YUJ JEL STʼILANIL. Jastalni tuk jasunuk, ja Internet wa xbʼobʼ koltanuk, pe cha xiwela sbʼaj. Ja yuj, jujuntik kʼuʼuman Dyos mini xyawe makunuk. Tuk wani xyawe makunuk bʼa loʼilanel soka spamilyaʼe sok yamigoʼe. Pe ja Satanás wani skʼana oj katik makunuk mi lekuk ja Internet ja yajni wa xleʼatik kamigotik, sjomjel ja jastal lek wala taxtik soka jastal kʼubʼan aytik soka Jyoba. Jastalni ja Jesús, ojni katik makunuk ja rasonik bʼa Biblia bʼa yiljel ja jastik xiwela sbʼaj sok jachuk mok ochkotik (Lu 4:4, 8, 12).

JA JASTIK OJ EKABʼAJ

• Xchʼayjel tyempo bʼa Internet. Yajel ekʼ jitsan ora loʼilanel sok skʼeljel tuk jastik junuk bʼa Internet, wa sjapakitik ja jtyempotik bʼa mas tʼilan oj katikyi ja Jyoba.

  Rasonik bʼa Biblia: (Ef 5:15, 16; Flp 1:10)

• Skʼeljel jastik mi lekuk. Skʼeljel jastik junuk bʼa chikanxa ja skwerpo jun ixuk winik wani xbʼobʼ ikʼwanuk bʼa mixa oj katikan skʼeljel sok koʼel mulal. Skʼumajel ja xetʼanik yiʼojan ja Internet ma ja matik yaʼunejekan ja smeranili oj ya jitskotik ja jastal jkʼuʼunejtik bʼa Jyoba.

  Rasonik bʼa Biblia: (Mt 5:28; Flp 4:8)

• Yajel kʼeʼuk yaljelik ma potoʼik. Yuja jkʼujoltik jel xchʼaykʼujolani, bʼobʼta jun ixuk winik ojni ajuk koʼ luʼum bʼa yajel kʼe yaljelik ma potoʼik mi lek skʼeljel ja bʼa Internet. Pe skʼulajel ja it, wa xbʼobʼ sjom ja jastal lek wala taxtiki soka jastal kʼubʼan aytik soka Jyoba ma oj ya jitskotik ja bʼa skʼuʼajel kiʼojtik.

  Rasonik bʼa Biblia: (Ro 14:13; Ef 4:29)

YAJNI ILXITA JA BIDEO TALNABʼAJ SOKA SLEJEL AWAMIGOʼIK JA BʼA INTERNET, CHOLO JA JAS OJ EKABʼAJ: