JA SAKʼANIL JA YAʼTIJUM DYOS
La jtsajlaytik lek ja smodo ja Kristo
Kibʼanaltik tʼilani oj jtsajlaytik ja lekil smodo ja Jesús, sok mas ja yajni wan ekʼel jbʼajtik wokoli (1Pe 2:21-23). Ja Jesús mini kʼumani ja yajni tselaji, sok anima jel wan yijel wokol (Mr 15:29-32). ¿Jasa koltajiyuj bʼa oj kuchyuj? Jani wajel skʼujol skʼulajel ja jas wa skʼana ja Jyoba (Jn 6:38). Cha «ja yeni chʼac ni scʼul ahuantara porque huas snaa» ja jastik lek oj staʼi (Heb 12:2).
¿Jastal wa xjeʼa ja jmodotik ja yajni mi lek la iljitiki yuja skʼuʼajel kiʼojtik? Ja meran kʼuʼumanotik mi xkatik stupyi ‹malo ja maʼ malo huas scʼulankitiki› (Ro 12:14, 17). Yajni wa xnochotik ja jastal kuchyuji ja Jesús, gusto wala ajyitik yujni lek wa xyilawotik ja Dyosi (Mt 5:10-12; 1Pe 4:12-14).
YAJNI ILXITA JA BIDEO MEY PILAN JASUNUK MAS TʼILAN YUJA SBʼIʼIL JA JYOBA, JAKʼAWIK JA SJOBʼJELIK IT:
-
¿Jasa skʼulan ja jmoj-aljeltik Pötzinger * bʼa yajel makunuk lek ja styempo yajni ajyi preso?
-
¿Jasa wokol kuchyujile ja jmoj-aljeltik winik sok ja jmoj-aljeltik Pötzinger ja bʼa lugar tʼenjiye aʼteli?
-
¿Jasa koltajiye bʼa oj kuchyujile?
Jastal ja Jesús, la jnochtik ja lekil smodo ja yajni x-ekʼ jbʼajtik wokoli.
^ par. 6 Cha jach wa stsʼijbʼaxi ja sbʼiʼili Poetzinger.
