Ja poyeto Kʼuʼan ja Dyosi tojbʼesnubʼal sok dibujoʼik bʼa sjejel jastik meran bʼa Biblia sbʼaja matik mi snaʼawe skʼumajel juʼuni. Jujune ja xetʼaniki ayiʼoj chabʼ teksto sok ayiʼoj dibujoʼik bʼa tsamalxta bʼobʼel sok tojbʼesnubʼal bʼa oja naʼ stojolil ja tuk dibujoʼik.

Junxta ja dibujoʼik yiʼoj ja poyetoʼik Kʼuʼan ja Dyosi sok oj ajyan sakʼan bʼa tolabida sok ja Kʼuʼan ja Dyosi, pe ayni yiʼoj mas letraʼik. Oj bʼobʼa paklayex ja poyeto it soka maʼ wa snaʼa skʼumajeli. Cha jani wa xyawe makunuk ja cholumaniki, ama ja maʼ wa xyaweyi estudio ja wa xya makunuk ja poyeto Kʼuʼan ja Dyosi. Jujuntik slamik ayiʼojan rekwagroʼik bʼa oj bʼobʼ paklaxuk ta oj lajxukyuj jawa westudio.

Ama mi jaʼuk wan axel makunuk ja bʼa ixaw jaw, ojni bʼobʼa wakan chikan bʼayuk ja bʼa poyetoʼik it. Yajni xa waʼa estudio, amakunuk lek ja yal dibujoʼik bʼa xcholjel ja jas wa xyala ja Biblia. Aʼa sjobʼjelik bʼa oj yaʼ sjakʼjelik jawa westudio bʼa oja wil ta wan yabʼjel stojolil. Kʼuman sok cholo ja tekstoʼik bʼa xchʼakulabʼil ja slamiki. Yajni xchʼaka paklayex ja poyeto, paklayik ja libro ¿Jasa wa sjeʼa meran lek ja Biblia? bʼa skoltajel jawa westudio man xyiʼaj jaʼ.