Ja Jeremiasi ajiyi ja cholal bʼa oj yalyabʼ ja judíoʼik oj chʼayjuke snajel yujni xchʼaya skʼujole ja sDyose Jyoba (Jer 13:25). ¿Jastalxa kʼot chʼay skʼujole bʼa Jyoba? Yujni ja pamilyaʼiki mi stalnaye ja jastal wa xyila sbʼaje sok ja Jyoba. Lajansok ja nantataliki mini wanuke skʼuʼajel ja smandar ja Dyos wa xtax bʼa Deuteronomio 6:5-7.

Ja bʼa jtyempotiki, ja pamilyaʼik bʼa tsats ayeʼi jelni xkoltaniye bʼa oj ajyuk tsamal tsoman ja kongregasyoniki. Ja nantataliki oj bʼobʼ skoltay ja yuntikile bʼa mok chʼay skʼujole bʼa Jyoba yajel makunuk jun lekil programa ja bʼa stsomjele bʼa pamilya jach tikʼan (Sl 22:27). Tsaʼan yajni ilxita ja bideo Ja yaljelik it tini oj ajyuk bʼa wa kʼujol: Entrebistaʼik bʼa pamilyaʼik, awikyi sjakʼjel ja sjobʼjelik it:

• ¿Jasa skʼuluneje jujuntik pamilya bʼa mi oj yaʼekan skʼulajel ja stsomjele bʼa pamilya?

• ¿Jasa slekilal staʼuneje yuja mi xyaʼawekan skʼulajel ja stsomjele bʼa pamilya?

• ¿Jastik junuk mok kakan oj stim-on stoyjel ja Jyoba lajan sok ja jpamilya, sok jasa oj jkʼuluk bʼa mok sjip-on?