JAS YUJ JEL STʼILANIL. Ta jawa westudio wa xchapa sbʼaj, mas mi wokoluk oj yabʼ stojol sok oj kan skʼujol ja jasa waxa jeʼayi. Sok ja it masni wego oj snebʼ. Yajni yiʼajta jaʼ, cha tʼilan oj xchap sbʼaj ja bʼa tsomjeliki soka bʼa xcholjeli bʼa jachuk kʼelan jakan oj ajyuk (Mt 25:13). Ja yuj, yajni snebʼata xchapjel sbʼaj sok kʼajyita skʼulajel ojni ya el slekilal ja bʼa sakʼanili. Man sbʼajtanil ekʼele waxa jeʼayi, koltay jawa westudio bʼa oj kʼajyuk xchapjel sbʼaj.

JASTAL SKʼULAJEL:

• Aʼa jun sjejel (Ro 2:21). Chapabʼaj lek ja bʼa xetʼanik sok pensaraʼan ja snesesida jawa westudio (km 11/15 slam 3). Jeʼayi jastal wa jisunej jawa juʼuni.

• Loko bʼa oj xchap sbʼaj. Yajni wanaxa yajelyi estudio, alayabʼ ti chikan ja xchapjel sbʼaji sok choloyabʼ ja slekilal yiʼoji. Alayabʼ jastal oj bʼobʼ spil tyempo bʼa skʼulajel. Jujuntik jmoj-aljeltik wa xyaweyi ja sjuʼune bʼa sjisunejexa ja yajni wane estudio bʼa oj yil ja stukili. Alayabʼ jel lek skʼulan yajni wa xchapa sbʼaji.

• Jeʼayi bʼa a-xchap sbʼaje. Jujuntik choluman yajni kʼeʼumeto wa spilawe tyempo bʼa wa sjeʼaweyi ja yestudioʼe jastal xchapjel sbʼaje bʼa jun xetʼan.