25:1-12

Ama ja Jesús jaʼ xcholoyabʼ ja snebʼumanik tsaʼubʼal oj wajuke bʼa satkʼinali ja loʼil sbʼaja lajune solteraʼik, jpetsaniltik ja kʼuʼumanotik wa skoltayotik ja jas sjeʼakani (w15-S 15/3 slam 12-16). «Qʼuelan jacan ajyanic porque mi ni oja naex jas ora» (Mt 25:13). ¿Oj maʼ bʼobʼa chol ja sloʼil it ja Jesusi?

• Ja makbʼenal winik (bersikulo 1): Jaʼa Jesús.

• Ja solteraʼik listaʼe (bersikulo 2): Ja matik oj wajuke bʼa satkʼinali chapan aye bʼa oj skʼuluke toj lek ja yaʼteli sok wa x-ijlabʼaniye jastal lus man xjak ja chʼakelali (Flp 2:15).

• Yajni yalawe: «¡Ti xa huax jac ja [makbʼenal winiki]!» (bersikulo 6): Jaʼa senyaʼil yajni tixa ay ja Kristo.

• Ja solteraʼik bobaʼe (bersikulo 8): Jaʼa matik yabʼalil oj wajuke bʼa satkʼinal sok wa xwaj staʼe ja makbʼenal, pe mi ajyiye kʼelan jakan sok mi ajyiye toj.

• Ja solteraʼik listaʼe mi yaʼawe ja yaseyte (bersikulo 9): Yajni ajitayile ja tsaʼanxta seyo, ja matik oj wajuke bʼa satkʼinal mixa oj bʼobʼ skoltaye ja matik mi ajyiye toji.

• «Jul ja [makbʼenal]» (bersikulo 10): Ja Jesús oj jakuk bʼa skʼanjel kwenta sok yajel kastigo ja bʼa xchʼakulabʼil och ja niwan wokoli.

• Ja solteraʼik listaʼe wajye soka makbʼenal ja bʼa chʼak abʼali sok tixa lutjikan ja pwerta (bersikulo 10): Ja Jesús yayi ja stsʼakol bʼa oj wajuke bʼa satkʼinal ja matik ajyiye toj, pe ja matik mi ajyiye toji xchʼayawe.