28 bʼa abril man 4 bʼa mayo
PROVERBIOS 11
Tsʼebʼoj 90 sok orasyon | Yaljelik bʼa skʼeʼulabʼil (1 min.)
1. ¡Mok jasa wale!
(10 min.)
Mok jasa wal bʼa oj «syajbʼes jawa moji» (Pr 11:9; w02-S 15/5 slam 26 par. 4).
Mok jasa wal bʼa oj pilwanuk (Pr 11:11; w02-S 15/5 slam 27 par. 2, 3).
Moka wal ja jas mito xbʼobʼ alxuk (Pr 11:12, 13; w20.03 slam 21, 22 par. 12, 13).
BʼA SPENSARAJEL: Jastalni yala ja Jesús ja bʼa Lucas 6:45, ¿jasa oj skoltayotik bʼa mi oj yajbʼestik ja tuk soka jas wa xkalatiki?
2. Leʼa jastik chaʼanyabʼal sbʼa Dyos
(10 min.)
-
Pr 11:17. ¿Jastal wa xya el slekilal june yajni wa sjeʼa lekil smodo? (w18.11 slam 30 par. 4-6).
-
Ja bʼa skʼumajel ja Biblia bʼa semana it, ¿jastik chaʼanyabʼal ataʼa?
3. Skʼumajel ja Biblia
(4 min.) Heb 7:1-17 (th spaklajel 5).
4. Akʼe juna loʼil
(4 min.) XCHOLJEL BʼA CHIKAN BʼAʼA. Leʼa modo xcholjel yabʼ ja kristyano jun jasunuk bʼa ajkʼachto anebʼunej ja bʼa reunioni (lmd sjejel 2 punto 4).
5. Kumxan ulatanel
(4 min.) XCHOLJEL BʼA CHIKAN BʼAʼA. Jeʼayi sok choloyabʼ jun bideo ja bʼa yamkʼabʼal bʼa sjejel, pe mok wa okʼuk (lmd sjejel 8 punto 3).
6. Aʼoch nebʼuman
(4 min.) XCHOLJEL BʼA AY KRISTYANO. Kʼapayi ja kristyano jun estudio bʼa Biblia sok jeʼayi jastal wa xkʼulantik (lmd sjejel 10 punto 3).
Tsʼebʼoj 157
7. Mok xchʼay ja lamanil soka jas waxa wala
(15 min.) Loʼil sok jujuntik sjobʼjel.
Ay ekʼele wa xkalatik jastik mi stojoluk yuja mulanumotiki (Snt 3:8). Pe ta wa xkaʼa tʼabʼan jkʼujoltik ja jastik mas mi stojoluk wa xkalatiki ojni skoltayotik bʼa mi jel oj kaltik jastik bʼa oj natik malaya tsaʼan. Jun sjejel, jani it ja jujuntik modo kʼumanel bʼa wa xbʼobʼ xchʼay ja lamanil ja bʼa kongregasyon:
-
Stoyjel jbʼajtik. Ja keʼnta oj toy jbʼajtik wani xbʼobʼ snik ja hermanoʼik bʼa oj yil sbʼaje kontra sok oj ajyukyujile imbidia (Pr 27:2).
-
Skʼulajel bʼa mi tojuk. Mi kechanta slejel lom abʼal, cha tini chʼikan ja yaljel jastik junuk bʼa mi lek oj spensaraʼuke ja tuki. Asta ja kechanta yaljel jun jasunuk bʼa mi tojuk mixani xbʼobʼ sjip skʼujole jmoktik ja tuki sok wa xjom ja jastal wa xnaji jbʼajtiki (Ec 10:1).
-
Ja abʼaltanel. Wa stojolan yaljel jastik mi meranuk bʼa tuk kristyanoʼik bʼa ja wa xchʼaya ja smeranili ma yaljel jastik bʼa sakʼanil june (1Ti 5:13). Wani xbʼobʼ nikwanuk tiroʼanel sok wa xbʼobʼ pilwanuk.
-
Tajkelxta kʼumanel. Wa stojolan yaljel yabʼ chikan jasa june maʼ syajbʼesnejotik (Ef 4:26). Ta jach wala kʼumanitik, jelni oj bʼobʼ yajbʼesnukotik (Pr 29:22).
Jeʼa ja BIDEO Mok jkʼuluktik ja jastik wa xchʼaya ja lamanili (xetʼan). Tsaʼan jobʼo:
-
Yuja jel pasil wa xbʼobʼ chʼayuk ja lamanil ja bʼa kongregasyoni, ¿jasa wa xnebʼatik ja bʼa bideo it soka jas wa xkalatiki?
Bʼa oja naʼ jastal yawe ajyuk ja lamanil ja bʼa ekʼele it, kʼela ja bideo «Leʼa ja lamanil sok kʼujolan bʼa moka chʼaye».
8. Spaklajel ja Biblia soka kongregasyon
(30 min.) bt kap. 25 par. 14-21.
