27 bʼa mayo man 2 bʼa junio
SALMOS 42-44
Tsʼebʼoj 86 sok orasyon | Yaljelik bʼa skʼeʼulabʼil (1 min.)
1. Aʼel lek slekilal ja jas wa sjeʼawi ja Jyoba
(10 min.)
Aʼteltay ja Jyoba lajan soka tuk hermanoʼiki, sok ta wa xbʼobʼi tolabida jach kʼulan (Sl 42:4, 5; w06 1/6 slam 9 par. 4).
Ayi orasyon bʼajtanto oja kʼul estudiar ja Yabʼal ja Dyosi (Sl 42:8; w19.01 slam 18 par. 15).
Aʼakan ke ja Biblia a-stoja bʼa spetsanil ja jas waxa kʼulani (Sl 43:3).
Ja jas wa sjeʼakitik ja Jyoba oj yaʼ kiptik bʼa kuchelkujtik ja pruebaʼiki sok bʼa oj katik kʼotuk ja kʼapjelal kaʼunejtikyi bʼa yaʼteltajel bʼa tolabida (1Pe 5:10; w16.09 slam 6 par. 11, 12).
2. Leʼa jastik chaʼanyabʼal sbʼa Dyos
(10 min.)
-
Sl 44:19. ¿Jasa wa xbʼobʼ stojoluk ja yaljel «ja bʼa wa x-ajyiye ja chacaliki»? (it-1 slam 470).
-
Ja bʼa skʼumajel ja Biblia bʼa semana it, ¿jastik chaʼanyabʼal ataʼa?
3. Skʼumajel ja Biblia
(4 min.) Jn 8:31-47 (th spaklajel 11).
4. Akʼe juna loʼil
(4 min.) BʼA NAʼITSALTIK. Kʼapa jun estudio bʼa Biblia (lmd sjejel 5 punto 5).
5. Kumxan ulatanel
(5 min.) BʼA NAʼITSALTIK. Loko ja kristyano ja bʼa loʼil elel bʼa Biblia ojto ekʼuki. Jeʼayi sok choloyabʼ ja bideo ¿Jastal wa xkʼulaxi ja jtsomjeltikoni?, pe mok wa okʼuk (lmd sjejel 7 punto 5).
6. Loʼil
(3 min.) lmd apéndice A punto 4. Yolomajel: Jpetsaniltik mixa oj maloʼaxukotik (th spaklajel 2).
Tsʼebʼoj 21
7. Tsaʼa lek ja jas oja kʼul estudiar sok jas aʼtel oja kʼuluk
(15 min.) Loʼil sok jujuntik sjobʼjel.
Keremtik akʼixuk, ¿wanxa maʼ xa naʼawex jas oja kʼulukex tsaʼan yajni xchʼak jawa westudioʼexi? Bʼobʼta wanaxa spensarajel jun aʼtel bʼa oj skoltaya ajyel jastal precursor. Ma bʼa oj lajxukawuj, bʼobʼta waxa pensaran ke ja jas mas leki jani oja nochyi skʼulajel estudiar sok jachuk oja naʼ skʼulajel jun jasunuk ma stajel jun cholal. ¡Ja bʼa ekʼele it juni jasunuk jel tsamal ja bʼa sakʼanili! Pe ¿jel maʼ axwela sbʼaj xa wabʼ sbʼaja jastik wa xbʼobʼa kʼuluki? ¿Ma waxa wabʼ tʼenubʼala bʼa skʼulajel ja jas wa xyalawabʼ ja tuki? ¿Jasa oj skoltaya bʼa oja tsaʼ lek ja jas oja kʼuluki?
Kʼuman ja Mateo 6:32, 33. Tsaʼan jobʼo:
-
¿Jas yuj jel tʼilan oja naʼ lek sbʼaja wa kʼelsatik bʼa Dyos oj wa ajyuk bʼajtanto oja tsaʼ jas oja kʼul estudiar sok jas aʼtel oja kʼuluk?
-
¿Jasa oj bʼobʼ skʼuluke ja nantatalik bʼa oj skoltaye ja yuntikile bʼa oj yawe makunuk ja jas wa xyala ja Mateo 6:32, 33? (Sl 78:4-7).
Moka wakan ke ja kʼankʼunel bʼa ajyelawuj takʼin ma ja jastal oj yila ja tuk oj sjom ja bʼa jastik oja tsaʼ skʼulajeli (1Jn 2:15, 17). Ajuluka kʼujol ke sbʼaja matik ayiʼoje takʼini masni wokol oj yaʼe bʼajtan bʼej ja sGobyerno ja Dyosi (Lu 18:24-27). Ja slejel jastik junuki mini oj skoltaya bʼa oj kʼiʼan sok bʼa oj wajukawuj lek ja bʼa yaʼteltajel ja Dyosi (Mt 6:24; Mr 8:36).
Jeʼa ja BIDEO ¡Talnabʼaj! Moka jipa kʼujol sbʼaja jastik oj chʼakuki: Ja rikesaʼili. Tsaʼan jobʼo:
-
¿Jastal oj bʼobʼ skoltaya ja Proverbios 23:4, 5 bʼa oja tsaʼ lek ja jastik oja kʼuluki?
8. Spaklajel ja Biblia soka kongregasyon
(30 min.) bt kap. 10 par. 5-12.
