18-24 bʼa noviembre
SALMOS 107, 108
Tsʼebʼoj 7 sok orasyon | Yaljelik bʼa skʼeʼulabʼil (1 min.)
1. «Awikyi tsʼakatal ja Jyoba, yujni ja yeʼn jel lek»
(10 min.)
Ja Jyoba ya el libre ja israʼelenyoʼik bʼa ti ajyiye bʼa Babilonia, sok ja bʼa jtyempotik yaʼunej elkotik libre ja bʼa sluʼumkʼinal ja Satanás (Sl 107:1, 2; Col 1:13, 14).
Jelni xkatikyi tsʼakatal ja Jyoba bʼa wani xkʼanatik oj katikyi stoyjel ja bʼa kongregasyon (Sl 107:31, 32; w07-S 15/4 slam 20 par. 2).
Bʼa oj katik tsʼakatal, tʼilani oj pensaraʼuktik jastal ja Jyoba sjeʼunejkitik ja syajal skʼujoli (Sl 107:43; w15-S 15/1 slam 9 par. 4).
2. Leʼa jastik chaʼanyabʼal sbʼa Dyos
(10 min.)
-
Sl 108:9. Ja David yala ke ja Moab jaʼa «yeʼtal» bʼa wa xbʼobʼ sakʼ sbʼaj ja Dyosi. ¿Jasa bʼobʼta kʼan yali? (it-2-S slam 409 par. 6).
-
Ja bʼa skʼumajel ja Biblia bʼa semana it, ¿jastik chaʼanyabʼal ataʼa?
3. Skʼumajel ja Biblia
(4 min.) 1Co 1:1-17 (th spaklajel 5).
4. Akʼe juna loʼil
(3 min.) XCHOLJEL BʼA CHIKAN BʼAʼA. (lmd sjejel 1 punto 4).
5. Kumxan ulatanel
(4 min.) XCHOLJEL BʼA CHIKAN BʼAʼA. Taʼayi tiʼal ja kristyano sbʼaja jastal wa xkaʼatik estudio bʼa Biblia sok ayi jun tarjeta bʼa jw.org ja bʼa jastal wa xkaʼatik jun estudio (lmd sjejel 9 punto 3).
6. Loʼil
(5 min.) ijwyp slam 90. Yolomajel: ¿Jas oj bʼobʼ jkʼuluk bʼa yajelkan ja pensarik bʼa mi xtulwani? (th spaklajel 14).
Tsʼebʼoj 46
7. Wala tsʼebʼanitik bʼa yajelyi tsʼakatal ja Jyoba
(15 min.) Loʼil sok jujuntik sjobʼjel.
Ja israʼelenyoʼik jelni xiwye yajni iji spatike yuja soldadoʼik bʼa Egipto, pe ajini eluke libre yuja Jyoba ja bʼa mar Rojo. Mini cham yabʼjeluk ja stsʼebʼantaye ja Jyoba sok jun tsʼebʼoj bʼa yajelyi tsʼakatal (Éx 15:1-19). Jani bʼajtan wajye ja winike ja matik stsʼebʼantaye ja yajkʼachil tsʼebʼoj it (Éx 15:21). Ja Jesús sok ja bʼajtan nochumanik cha tsʼebʼaniye bʼa stoyjel ja Jyoba (Mt 26:30; Col 3:16). Ja bʼa jtyempotiki, cha wani stsʼebʼantaytik ja Jyoba ja bʼa reunionik sok ja bʼa asambleaʼik bʼa yajelyi tsʼakatal. Jun sjejel, tey ja tsʼebʼoj Tsʼakatal, Jyoba, bʼa wanto jtsʼebʼantaytik, sok akʼubʼal makunuk masan 1966 ja bʼa jreuniontiki.
Bʼa jujuntik kulturaʼik, ja winikeʼi wani xkʼixwiye tsʼebʼanel bʼa ay kristyano. Sok jujuntik mi skʼana oj tsʼebʼanuke yujni wa spensarane mi jel lek x-elyujile. Pe la katik juljkʼujoltik ke tsʼebʼanel ja bʼa reunioniki tini chʼikan ja bʼa stoyjel ja Dyosi. Ja xchonabʼ ja Jyoba jelni skʼujolan bʼa stojbʼesel sok xchapjel tsamalik kʼinik, sok wani stsaʼa lek ja bʼa wa stsʼebʼantaxi bʼa kada reunión. Ja keʼntiki jaxtani wa xkʼulantik ja bʼa mas pasili: stsʼebʼantajel lajan soka kermanotik bʼa yajelyi tsʼakatal sok sjejelyi janekʼto wa xkʼanatik ja kala Tatik bʼa satkʼinali.
Jeʼa ja BIDEO Ja bʼa jas ekʼta sok ja bʼa jtyempotik: Tsʼebʼojik bʼa wa stoyo ja Jyoba (xetʼan 2). Tsaʼan jobʼo:
-
¿Jasa jel chaʼanyabʼal ekʼ ja bʼa 1944?
-
¿Jastal sjeʼawe ja kermanotik bʼa Siberia ke jel chaʼanyabʼal yilawe stsʼebʼantajel ja Jyoba?
-
¿Jas yuj jel chaʼanyabʼal sbʼaja testigoʼik bʼa Jyoba ja stsʼebʼantajel ja Dyosi?
8. Spaklajel ja Biblia soka kongregasyon
(30 min.) bt kap. 18 par. 6-15.
