JA SAKʼANIL JA YAʼTIJUM DYOS
Moka kʼuluk ja it yajni xa kʼulan jun estudio
Kʼumanel jitsan. Moka pensaraʼuk tʼilan weʼn oj chʼaka chol. Ja Jesús ya makunuk sjobʼjelik bʼa skoltajel ja ixuk winik bʼa yeʼnta akʼot snaʼe sbʼej (Mt 17:24-27). Yajel sjobʼjelik wa xkoltani bʼa mi axweluk oj ajyuk ja estudio sok wa skoltaya bʼa oja wil ja jas meran wa skʼuʼani sok ta wa xyabʼ stojolil (be-S slam 253 par. 3, 4). Yajni xa wayi jun sjobʼjel, majlay a-sjakʼe. Ta mi snaʼa, mok wego awalyabʼi: mas lek koltay yajelyi tuk sjobʼjelik bʼa oj snaʼ ja sjakʼjeli (be-S slam 238 par. 1, 2). Choloyabʼ bʼa jun modo jawa westudio a-skʼuʼuk ja jas wana sjejelyiʼi (be-S slam 230 par. 4).
Soktalajel ja xcholjeli. Mok chʼaka cholyabʼ yibʼanal ja jastik waxa naʼa (Jn 16:12). Jata awajuk akʼujol ja jas wa xyala ja parrapo (be-S slam 226 par. 4 man slam 227 par. 1). Xchʼikjel tuktukil jasunuk, ama jel chaʼanyabʼal, mixa xya chiknajuk ja jastik mas tʼilan ja bʼa juʼuni (be-S slam 235 par. 3). Ta jawa westudio yabʼta stojolil, ekʼan ja bʼa pilan parrapo.
Xcholjel kechanta ja jas yiʼoj ja juʼuni. Wa xkʼanatik oj kʼotkotik man skʼujol ja kestudiotiki, sok mi kechan spaklajel ja juʼuni (Lu 24:32). Amakunuk ja yip ja Yabʼal ja Dyos stsajel ja tekstoʼik mas tʼilan yiʼoj ja xetʼan wana sjejeli (2Co 10:4; Heb 4:12; be-S slam 144 par. 1-3). Amakunuk sjejelik bʼa mi wokoluk (be-S slam 245 par. 2-4). Pensaraʼan sbʼaja jastik wan ekʼel sbʼaji soka jas wa skʼuʼani, sok tukbʼes ja jas waxa jeʼayi soka jastal wa xtaxi. Ayi sjobʼjelik jastalik it: «¿Jas waxa pensaraʼan sbʼaja jas jnebʼatiki? ¿Jas wa sjeʼakitik sbʼaja Jyoba? ¿Jastal oj skoltaya ta waxa nocho ja rason it?» (be-S slam 238 par. 3-5; slam 259 par. 1).