JA SAKʼANIL JA YAʼTIJUM DYOS

Koltay ja matik mey srelijyone bʼa oj snaʼe sbʼaj ja sKʼulumane

STSANJEL BʼA

¿Ayma bʼa jun ekʼele mi wa choloyabʼ june maʼ mey srelijyon yuj waxa pensaran ke mi oj smaklaya? Ta jachkʼa, ajuluka kʼujol ke jitsan matik testigoʼexa bʼa Jyoba, ja ajyi mey srelijyone ma asta mi skʼuʼane ta ay Dyos. Bʼa jitsan ekʼele, ja jas wa xmakuniyujile jani oj koltaxuke spaklajel ja prebaʼik bʼa wa sjeʼa ke ay jun Dyos (Ro 1:20; 10:14).

YAJNI ILXITA JA BIDEO AJULUKA KʼUJOL: JA MATIK MEY YIʼOJE SKʼUʼAJELI WANI XBʼOBʼ AJYUKYUJILE. JA MATIK MEY SRELIJYONE, AYI SJAKʼJEL JA SJOBʼJEL IT:

¿Jastal wa stsatsankʼujolana ja yexperiencia ja Tommaso bʼa xcholjel yabʼ ja matik mey srelijyone?

Sjakʼjel

Ja jastal oj bʼobʼa kʼuluk

Ta ataʼa june maʼ mi skʼuʼan bʼa Dyos, jeʼa lekila modo, tsamalxta kʼuman sok maklay lek ja jas wa spensaran sok ja jastal ay xyabʼ (2Ti 2:24). Taʼayi tiʼal bʼa jastik oj skʼul gusto. ¿Puesto maʼ ay bʼa oj spaklay ja prebaʼik bʼa jitsan aji skʼuʼuke ke ayni jun Kʼuluman? Anto, amakunuk ja juʼunik sok ja bideoʼik chapji sbʼaja it. Ja poyetoʼik ¿Es la vida obra de un Creador? sok El origen de la vida. Cinco cuestiones dignas de análisis chʼikxita ja bʼa juʼun bʼa yamkʼabʼal bʼa sjejel bʼa mas pasil oja taʼ.

Ja bʼajtani, bʼobʼta ojni yawi xiwel spensarajel oja cholyabʼ june maʼ mi skʼuʼan bʼa Dyos. Ta jachuk, kʼanayi ja skoltanel jun choluman bʼa ayiʼoj experiencia. Sok mok chʼayuka kʼujol: ja Jyoba ojni skoltaya bʼa kʼotel man bʼa skʼujole ja matik puesto aye, ama ja wego wa spensarane ke mini ay jun Dyos (Hch 13:48).

JUʼUN BʼA SPAKLAJEL