JA SAKʼANIL JA YAʼTIJUM DYOS
Ja ansyanoʼik wa x-aʼtijiye bʼa slekilal ja xchonabʼ ja Jyoba
Jitsan kristyano mini lek xyilawe ja matik ay xchole. ¡Sok ayni yiʼoje rason! Pes jitsan wa xyawe makunuk ja xchole bʼa yeʼnta wa xyawe-el slekilal. Malantasok yiljel ja janekʼxa tyempo jach wane skʼulajel bʼa skʼuʼajel (Miq 7:3). ¡Tukni lek ja xchonabʼ ja Dyos! Ja Jyoba sjeʼunejyi ja ansyanoʼik yajel makunuk ja cholal yiʼoje bʼa slekilal ja kongregasyon (Est 10:3; Mt 20:25, 26).
Ja ansyanoʼik mini jachukuke jastal ja matik ay xchole ja bʼa luʼumkʼinal it. Wa skʼulane ja yaʼtele yujni wa syajtaye ja Jyoba sok ja hermanoʼik (Jn 21:16; 1Pe 5:1-3). Ja ansyanoʼik wa snochowe ja tojelal wa x-ajiyile yuja Jesús sok wa skoltaye ja cholumanik bʼa gusto oj ajyuke ja bʼa spamilya ja Jyoba sok bʼa mojan aʼajyukesok ja yeʼn. Chapan aye bʼa stsatsankʼujolajel ja yal xchejik ja Jyoba. Sok yajni wa x-ekʼ jun desgrasya ma ay maʼ tʼilan oj waj bʼa loktor, tolabida puesto aye bʼa skoltajel ja hermanoʼik. Ta waxa kʼana akoltajel, mok jel apensaraʼuk, taʼa loʼil jun ansyano ja bʼa wa kongregasyon (Snt 5:14).
YAJNI ILXITA JA BIDEO TALNANUMIK BʼA WA STALNAYE JA CHEJIK, AYI SJAKʼJEL JA SJOBʼJELIK IT:
-
¿Jastal ya el slekilal ja Mariana ja skoltanel ja ansyanoʼik?
-
¿Jastal ya el slekilal ja Elías ja skoltanel ja ansyanoʼik?
-
Tsaʼan yajni wilata ja bideo it, ¿jas waxa pensaran sbʼaja yaʼtele ja ansyanoʼik?
