2-8 bʼa septiembre
SALMOS 79-81
Tsʼebʼoj 29 sok orasyon | Yaljelik bʼa skʼeʼulabʼil (1 min.)
1. Jeʼa ke waxa yajtay ja niwan sbʼiʼil ja Jyoba
(10 min.)
La katikan skʼulajel ja jas wa xya kuxbʼuk ja sbʼiʼil ja Jyoba (Sl 79:9; w17.02 slam 10 par. 5).
Patayi skʼujol ja Jyoba bʼa sbʼiʼil (Sl 80:18; ijwbv-S slam 3 par. 4, 5).
Ja Jyoba ojni ya koʼ jitsan slekilal ja matik wa xkʼuʼaji yuji yuja wa syajtaye ja sbʼiʼili (Sl 81:13, 16).
Tʼilan oj jetik lekil jmodotik bʼa oj yile ja tuk ke testigoʼotik bʼa Jyoba sok oj staʼe tiʼal lek ja sbʼiʼil ja Dyosi.
2. Leʼa jastik chaʼanyabʼal sbʼa Dyos
(10 min.)
-
Sl 80:1. ¿Jas yuj ay ekʼele aji makunuk ja sbʼiʼil ja José bʼa oj tajuk tiʼal yibʼanal ja kʼole bʼa Israel? (it-2-S slam 127 par. 5, 6).
-
Ja bʼa skʼumajel ja Biblia bʼa semana it, ¿jastik chaʼanyabʼal ataʼa?
3. Skʼumajel ja Biblia
(4 min.) Hch 19:1-20 (th spaklajel 10).
4. Akʼe juna loʼil
(1 min.) BʼA NAʼITSALTIK. Kʼapa jun estudio bʼa Biblia (lmd sjejel 4 punto 4).
5. Akʼe juna loʼil
(3 min.) XCHOLJEL BʼA CHIKAN BʼAʼA. Kʼapa jun estudio bʼa Biblia (lmd sjejel 4 punto 3).
6. Akʼe juna loʼil
(2 min.) XCHOLJEL BʼA AY KRISTYANO. Kʼapa jun estudio bʼa Biblia (lmd sjejel 3 punto 3).
7. Kumxan ulatanel
(5 min.) BʼA NAʼITSALTIK. Kʼapayi jun estudio bʼa Biblia june bʼa mi skʼana oj skʼul estudiar ajyi soka Testigoʼik (lmd sjejel 8 punto 3).
Tsʼebʼoj 10
8. «Oj yawe sakbʼuk ja jbʼiʼili»
(15 min.) Loʼil sok jujuntik sjobʼjel.
Ja Satanás kʼe yal abʼalik ja bʼa sbʼiʼil ja Jyoba ja bʼa jardín bʼa Edén. Man tyempo jaw, ja skoltajel ja sbʼiʼil ja Jyoba jani kʼotel ja mas tʼilani. Sok yibʼanal ja kristyano sok ja anjelik tʼilani oj tsatik ta oj koltaytik ja Jyoba ma miyuk.
Pensaran bʼa jujuntik abʼalik yalunej ja Satanás sbʼaja Jyoba. Jun sjejel, wani xyala ke kʼotel jun mandaranum jel malo bʼa mi xyajtani (Gé 3:1-6; Job 4:18, 19). Cha wani xyala ke ja matik wa stoyowe ja Jyoba mi meranuk wa syajtaye (Job 2:4, 5). Yuj smul yeʼna, jitsan kristyano mi skʼuʼane ke yeʼn ja Jyoba ja Kʼulumani (Ro 1:20, 21).
¿Jastal waxa wabʼ ja abʼalik it? ¿Anke wani xa kʼana oja koltay ja Jyoba? Ja yeʼn seguro ajyi ke ja xchonabʼi wani skʼana oj skoltay bʼa yajel sakbʼuk ja sbʼiʼili (Is 29:23). ¿Jastal oj bʼobʼa koltay?
-
Koltay ja tuk bʼa oj snaʼe sbʼaj sok oj syajtaye ja Jyoba (Jn 17:25, 26). Puesto ajyan bʼa oja jeʼ sok prebaʼik ke sakʼan ay sok jeʼayi ja tuk ja tsamal smodoʼiki (Is 63:7).
-
Yajtay ja Jyoba sok spetsanila kʼujol (Mt 22:37, 38). Kʼuʼanyi ja smandarik ja Jyoba, mi kechanuk bʼa wa lekilal, jani yuja waxa kʼana oja wa gustoʼaxuk (Pr 27:11).
Jeʼa ja BIDEO Ja yajalkʼujoli mini xchʼaki... anima ja bʼa weskwela mi skisawe ja Dyosi. Tsaʼan jobʼo:
-
¿Jastal skoltaye ja sbʼiʼil ja Jyoba ja Ariel sok ja Diego?
-
¿Jas yuj skʼanawe oj skoltaye ja Jyoba?
-
¿Jastal oj bʼobʼ jnochtik ja sjejel yaʼawe?
9. Spaklajel ja Biblia soka kongregasyon
(30 min.) bt kap. 15 par. 1-7 sok skʼeʼulabʼil ja bʼa xetʼan 6.
